லைகா புரொடக்சன்ஸ் சார்பில் சுபாஷ்கரன் தயாரிப்பில் உருவாகி வரும் படம் ‘சந்திரமுகி 2’.
ராகவா லாரன்ஸ் கதாநாயகனாக நடிக்கும் இந்தப் படத்தை சந்திரமுகி படத்தை இயக்கிய பி வாசு இயக்குகிறார்.
கங்கனா ரனாவத் முக்கிய வேடத்தில் நடிக்கும் இந்தப் படத்தில், வடிவேலு, ராதிகா, ரவிமரியா உள்ளிட்ட ஏராளமான நடிகர்கள் இடம்பெற்றுள்ளனர்.
கடந்த ஆண்டு மைசூரில் பூஜையுடன் துவங்கிய இந்தப் படத்தின் படப்பிடிப்பு தற்போது ஹைதராபாத்தில் நடைபெற்று வருகிறது.
சமீபத்தில் ஆர் ஆர் ஆர் படத்தில் இடம்பெற்ற நாட்டு நாட்டு பாடலுக்காக கோல்டன் க்ளோப் விருது வாங்கிய இசையமைப்பாளர் எம்.எம். கீரவாணி இந்தப் படத்திற்கு இசையமைக்கிறார்.
இந்த நிலையில் இந்தப் படத்தின் மூன்றாம் கட்ட படப்பிடிப்பு நிறைவடைந்துள்ளதாக லைகா நிறுவனம் இன்று தெரிவித்துள்ளது.