60 நாடுகள் மீது இன்று முதல் புதிய இறக்குமதி வரி… அமெரிக்கா அறிவிப்பு
அமெரிக்காவின் 60 வர்த்தகக் கூட்டாளி நாடுகளுக்கு இன்று (ஜூலை 24) நண்பகல் 12.01 மணி முதல் புதிய இறக்குமதி வரி அமலுக்கு வருவதாக அந்நாட்டு அரசு அறிவித்துள்ளது.
இதன்படி, சம்பந்தப்பட்ட நாடுகளில் இருந்து இறக்குமதி செய்யப்படும் சில பொருட்களுக்கு 10% முதல் 12.5% வரை கூடுதல் வரி விதிக்கப்படும்.
குறிப்பாக, கொத்தடிமைத் தொழிலாளர்களின் உழைப்பில் தயாரிக்கப்படும் பொருட்களின் இறக்குமதியைத் தடுக்க போதுமான நடவடிக்கை எடுக்காத நாடுகள் இந்த புதிய வரி நடவடிக்கையின் கீழ் வரும் என்று அமெரிக்கா தெரிவித்துள்ளது.
இந்த புதிய வரியால் சீனா, இந்தியா, ஐரோப்பிய ஒன்றியம் உள்ளிட்ட பல முக்கிய பொருளாதாரங்கள் பாதிக்கப்படும் என கூறப்படுகிறது.
அதே நேரத்தில், எஃகு, அலுமினியம், வாகனங்கள் போன்ற துறைவாரியாக ஏற்கனவே கூடுதல் வரி விதிக்கப்பட்டுள்ள பொருட்களுக்கு இந்த புதிய வரி பொருந்தாது என்றும் விளக்கப்பட்டுள்ளது.
முன்னதாக, அமெரிக்க அதிபர் டொனால்டு டிரம்ப் பல நாடுகளுக்கு தற்காலிகமாக விதித்திருந்த 10% கூடுதல் இறக்குமதி வரி இன்று முடிவடைகிறது. அதன் பின்னர், புதிய வரி முறை உடனடியாக அமலுக்கு வரும் என்று அமெரிக்கா அறிவித்துள்ளது.