புதுடெல்லி:
பஞ்சாப் மாநிலத்தில் இன்று தேர்தல் நடைபெற உள்ள நிலையில், தங்களை ஆதரிப்பவருக்கும், அச்சமின்றி பதில் அளிப்பவருக்கும் வாக்களிக்குமாறு காங்கிரஸ் தலைவர் ராகுல் காந்தி அம்மாநில மக்களை கேட்டுக் கொண்டார்.
தொடர்ந்து பேசிய அவர், மூன்றாம் கட்ட வாக்குப்பதிவு நடைபெறும் உத்தரபிரதேசத்தில் வளர்ச்சிக்காக வாக்களிக்குமாறு அவர் கேட்டுக் கொண்டார், மேலும் புதிய அரசாங்கத்தை அமைப்பதன் மூலம் புதிய எதிர்காலம் அமைக்கப்படும் என்றார்.
பஞ்சாபில் உள்ள 117 சட்டமன்ற தொகுதிகளுக்கு வாக்குப்பதிவு நடைபெற்று வரும் நிலையில், உத்தரபிரதேசத்தின் 16 மாவட்டங்களில் உள்ள 59 சட்டமன்ற தொகுதிகளுக்கும் வாக்குப்பதிவு நடைபெற்று வருகிறது.
இந்நிலையில், காங்கிரஸ் தலைவர் ராகுல் காந்தி வெளியிட்டுள்ள டிவிட்டர் பதிவில்,
“மக்களை ஆதரிப்பவருக்கு உங்கள் வாக்கைக் கொடுங்கள், பயமின்றி பதிலளிக்கவும்” என்று குறிப்பிட்டுள்ளார்.
“பஞ்சாபின் முற்போக்கான எதிர்காலத்திற்காக வாக்களியுங்கள்” என்று அவர் கூறினார். உ.பி தேர்தல் குறித்து ட்வீட் செய்த அவர், உத்தரபிரதேசத்தில் வாக்குகள் பதிவாகும், ஆனால் நாடு முழுவதும் மாற்றம் வரும். “அமைதி மற்றும் வளர்ச்சிக்கு வாக்களியுங்கள் — புதிய அரசாங்கத்தை அமைப்பதன் மூலம் புதிய எதிர்காலம் அமைக்கப்படும்” என்று அவர் குறிப்பிட்டுள்ளார்