வரலட்சுமி நடிக்கும் ஹனுமான் படத்தின் முதல் புகைப்படத்தை படக்குழுவினர் வெளியிட்டுள்ளனர்.
விக்னேஷ் சிவன் இயக்கிய ‘போடா போடி’ படத்தின் மூலம் அறிமுகமான வரலட்சுமி சரத்குமார் கதாநாயகியாக மட்டுமன்றி வில்லி வேடங்களிலும் அதிரடியாக நடித்து வருகிறார். இதனால் அவருக்கு பட வாய்ப்புகள் அதிகமாக வருகிறது. தமிழ் மட்டுமின்றி தெலுங்கு, கன்னடம் என ஆறு படங்களில் நடித்து வருகிறார்.
இந்நிலையில் ஹனுமான் என்ற தெலுங்கு படத்தில் நடிக்க ஒப்பந்தம் ஆகியுள்ளார்.
இந்த படத்தை பிரபல தெலுங்கு இயக்குனர் பிரசாந்த் வர்மா இயக்குகிறார். இதில் தேஜா சஜ்ஜா கதாநாயகனாக நடிக்கிறார்.
இந்த படத்தை தெலுங்கில் மட்டுமன்றி தமிழ், இந்தி, கன்னடம், மலையாளம் ஆகிய மொழிகளிலும் வெளியிட திட்டமிட்டு உள்ளனர்.
தேங்காய் குலையை கையில் பிடித்தபடி ரவுடிகளுடன் ஆவேசமாக வரலட்சுமி மோதும் முதல் தோற்ற புகைப்படத்தை படக்குழுவினர் வலைத்தளத்தில் வெளியிட்டு உள்ளனர்.