இந்தியாவின் பணக்கார கோயில் அறக்கட்டளையான திருமலை திருப்பதி தேவஸ்தானங்கள் (டி.டி.டி) என்று வரும்போது, சில்லறை மாற்றம்கூட கோடிகள் பெறும். இந்த அறக்கட்டளை, சமீபத்தில் தனது கருவூலத்திற்கு ரூ.25.82 கோடிகளைச் சேர்த்தது. பல ஆண்டுகளாக அது திரட்டியிருந்த நாணயங்களின் மிகப்பெரிய இருப்பைப் பரிமாறிக்கொண்டது.
85,000 க்கும் அதிகமான பணப் பைகள், ஒரு மலையைப் போல் வளர்ந்திருந்ததாலும், கருவூலத்தில் மிகக் குறைந்த இடம் மட்டுமே இருப்பதாலும் நாணயங்கள் சமீபத்திய நாட்களில் ஒரு பிரச்சினையாக மாறியுள்ளதாக தேவஸ்தான வட்டாரங்கள் தெரிவித்தன.
திருமலை கோயிலில் அதன் ஸ்ரீவாரி உண்டியலுக்கு பக்தர்கள் அளிக்கும் காணிக்கை மூலம் திருமலை திருப்பதி தேவஸ்தான நிர்வாகம் ஆண்டுக்கு ரூ .1,200 கோடியை ஈட்டுகிறது. வங்கிகள் இந்த நாணயங்களை ஏற்கத் தயங்கியதால், பல்வேறு மதிப்புகள் கொண்ட நாணயங்களின் கையிருப்பை அப்புறப்படுத்துவது கோயில் மேலாளர்களுக்குக் கடினமாக இருந்தது.
சரியான நேரத்தில் நாணயங்களை பரிமாறிக் கொள்ளத் தவறினால் கோயில் அமைப்பு கோடிகளை இழக்கக்கூடும் என்றும் அதிகாரிகள் கவலை தெரிவித்தனர். திருமலை திருப்பதி தேவஸ்தானத்தின் கூடுதல் செயல் அலுவலராய் ஏ.வி தர்மா ரெட்டி பொறுப்பேற்ற பின் தொடர்ந்து வங்கிகளுடன் நடந்த பேச்சு வார்த்தையால் நாணயங்களை மாற்ற வழி ஏற்பட்டுள்ளது.
வங்கி அதிகாரிகளுடன் பல்வேறு கட்ட பேச்சு வார்த்தைக்குப் பிறகு, கடந்த ஆகஸ்ட் 4 முதல் அக்டோபர் 19 வரை 70,000 நாணயப் பைகளுக்கு ஈடாக ரூபாய் நோட்டுகளைப் பெற்றது.