ஆனந்த் ஷங்கர் இயக்கத்தில் விஷால் மற்றும் ஆர்யா இணைந்து நடிக்கும் திரைப்படம் எனிமி.
இந்தப் படத்தில் பிரகாஷ்ராஜ், மிருணாளினி ரவி, கருணாகரன் உள்ளிட்ட பலர் முக்கிய கதாபாத்திரத்தில் நடித்து வருகிறார்கள். இதில் விஷாலுக்கு வில்லனாக ஆர்யா நடிக்கவுள்ளது குறிப்பிடத்தக்கது.
மினி ஸ்டுடியோஸ் நிறுவனம் சார்பில் வினோத் இந்தப் படத்தைத் தயாரித்து வருகிறார். படத்திற்கு தமன் இசையமைக்கிறார். ஒளிப்பதிவாளராக ஆர்.டி.ராஜசேகர், கலை இயக்குனராக டி.ராமலிங்கம் ஆகியோர் பணிபுரிந்து வருகிறார்கள்.
ஆக்ஷன் படமான இதன் 95 சதவீத பணிகள் முடிவடைந்த நிலையில், வரும் 20 ஆம் தேதி படத்தின் டீஸரை வெளியிட இருப்பதாக தகவல் கசிந்துள்ளது. படம் சம்பந்தப்பட்டவர்கள் இந்தத் தகவலை இன்னும் உறுதி செய்யவில்லை. அதேநேரம், விஷால் ரசிகர்கள் இணையத்தில், ஜுன் 20-ம் தேதி எனிமி டீஸர் வெளியாவதாக உற்சாகமாக பதிவிட்டு வருகின்றனர்.