ஆன்லைன் ரம்மிக்கு மேலும் ஒரு பலி! திருச்சியில் கல்லூரி மாணவர் தற்கொலை

Must read

திருச்சி: தமிழ்நாட்டில் ஆன்லைன் ரம்மியால் ஏற்படும் தற்கொலைகள் நாளுக்கு நாள் அதிகரித்து வரும் நிலையில், இன்று  மேலும் ஒரு பலி ஏற்பட்டுள்ளது. திருச்சியில்  கல்லூரி மாணவர் ஒருவர் தற்கொலை செய்துகொண்டுள்ளார். இது அதிர்ச்சியையும், சோகத்தையும் ஏற்படுத்தி உள்ளது.

திருச்சி மணப்பாறையில், ஆன்லைன் ரம்மியால் பணத்தை இழந்த சந்தோஷ் என்ற வாலிபர் ஒருவர், ரயின் முன் பாய்ந்து தற்கொலை செய்து கொண்டார். அவரது தற்கொலைக்கு காரணம், ஆன்லைன் ரம்பி என கடிதம் எழுதி வைத்துவிட்டு தற்கொலை செய்துகொண்டுள்ளதாக தகவல் வெளியாகி உள்ளது.

சந்தோஷ் என்ற அந்த இளைஞர், தற்கொலை செய்வதற்கு முன்னர் வெளியிட்டுள்ள வாட்ஸ்அப் பதிவில், தனது தற்கொலைக்கு ஆன்லைன் ரம்மி தான் காரணம் எனவும், அதற்கு அடிமையாகி அதிகளவு பணம் இழந்துவிட்டதாகவும்  பதிவிட்டுள்ளார். அவரது உடலை கைப்பற்றிய போலீசார், சம்பவம் குறித்து விசாரணை நடத்தி வருகின்றனர்.

தற்கொலை செய்து கொண்ட சந்தோஷ், கல்லூரியில் படித்து வருவதும், 6 மாதங்களாக ஆன்லைனில் ரம்மி விளையாடி வந்ததும் முதல்கட்ட விசாரணையில் தெரியவந்துள்ளது.

Support patrikai.com

பத்திரிக்கை டாட் காம் இணையதள செய்திகளை அதிகளவு விரும்பி படிப்பதற்கு நன்றி. சிறந்த முறையில் செய்திகளை தொடர்ந்து வழங்க பத்திரிக்கை டாட் காம் குழுவிற்கு உங்கள் நிதிப் பங்களிப்பை வழங்கி ஆதரவளிக்குமாறு கேட்டுக்கொள்கிறோம். தொடர்ந்து பல்வேறு கோணங்களில் செய்திகளை வழங்கவும், பதிவு செய்யப்படாத அரிய செய்திகளை ஆவணப்படுத்தவும் உங்கள் நன்கொடை உதவிகரமாக இருக்கும் என்பதில் எந்த ஒரு ஐயப்பாடும் இல்லை.

More articles

Latest article