மேஷம்

உத்யோகம் சாதகமாக இருக்கும். எனவே வேற கம்பெனிக்கு ஷிப்ட் ஆவது பற்றி யோசிக்காதீங்க. அலுவலகத்தில் உங்களோட நீண்ட கால கோரிக்கைகள் நிறைவேறும். பதவி உயர்வு, சம்பள உயர்வு கிடைக்கும்.  அதே நேரம் வேலைச்சுமையும் அதிகரிக்கும். வியாபாரம் விருத்தியாகும். ஏகப்பட்ட செலவுங்க. நிறைய டிரஸ்கள் எடுப்பீங்க. நகைநட்டுன்னு வாங்குவீங்க. வாழ்க்கையை ரசிக்கப்பிறந்தவங்க நீங்க (அல்லது உங்க மனைவி/மகள்) சின்னச்சின்னத் தோல்விங்களுக்குத் துவண்டு போயிக்கிட்டிருந்தீங்க. இப்ப நிம்மதியா சந்தோஷமான திருப்பங்கள் ஏற்பட்டு வாழ்க்கையை ரசிககத் துவங்கியிருப்பீங்க. ரைட்டா? நண்பர்கள் என்ற பெயரில் யாரையும் உங்கள் உரிமையில் தலையிட அனுமதிக்கவே அனுமதிக்காதீங்கப்பா. நல்ல நண்பர்கள் வாழ்வில் முன்னேறுவாங்க. சிலரின் முன்னேற்றத்துக்கு நீங்களும் காரணமாய் இருப்பீங்க.

ரிஷபம்

அறிமுகம் இல்லாதவர்களிடம் வீட்டு நிலையை கூற வேண்டாம். பண விஷயத்தில் கேர்ஃபுல்லா இருக்கவும். எதிர்பாராத செலவுகள் ஏற்படலாம். வேலைப்பளு குறைய வாய்ப்புள்ளது. ஏற்கனவே பிரைட்டா இருக்கும் உங்களோட கவர்ச்சி அம்சம் அதிகரிக்கும்.நாலு இடங்களுக்குப்போனால் மற்றவர்களைவிட உங்களையே பலரும் தேடி வருவாங்க. அதிகம் பேசாதீங்க. குடும்பத்தினர்கள் கிட்டேயும் நெருங்கிய உறவினர்களிடமும் நன்றி அது இது என்று எதையும் எதிர்பார்க்காதீங்க. பலனே எதிர்பார்க்காம இன்றைக்கு செய்துடுங்க. சீக்கிரத்தில் அதன் அருமை புரிந்து அவங்க பாட்டுக்கு உங்க கிட்ட நன்றி உணர்ச்சியோட வருவாங்க. உங்க பெருமையை ஊரே பேசும்போது அவங்க புரிஞ்சுக்க மாட்டாங்களா என்ன? அவசரப்பட்டு முடிவுகள் எடுக்க வேண்டி வந்தால் சற்று அமைதியா யோசித்து நல்லவங்களைக் கலந்தாலோசிச்சு செய்ங்க.

மிதுனம்

தொழில், பிசினஸில் கடுமையாக உழைக்க வேண்டிய சூழல் இருக்கும். வேலையில் தாமதங்கள் காணப்படும். இட்ஸ் ஓ கே.  அவற்றைக் கண்டு நீங்க நம்பிக்கை இழக்க வேண்டாம். உங்க நடவடிக்கைகள் சிறப்பாக இருக்கும். முயற்சிகளைத் தொடருங்கள். எதிர்பார்த்த பலன்களை அதன் மூலம் பெறுவீங்க. உடல்நலத்தில் கேர்ஃபுல்லா இருக்க வேண்டும். உங்களை ஆரோக்கியமாக வைத்து கொள்வதற்குக் தியானம் செய்வது உதவிகரமாக இருக்கும். மனசை அமைதியா வெச்சுக்குங்க. டோன்ட் ஒர்ரி. எதையும் டிஸைட் செய்வது பற்றி நிறையக் குழப்பங்கள் வரும். அதனால் பரவாயில்லை. சரியாகவே தீர்மானிப்பீங்க. அடிப்படை புத்திசாலித்தனமும், இயல்பாக உள்ள சமயோசிதமும் கைகொடுக்கும். உத்யோகத்தில் உங்களின் மேலதிகாரியின் நல்லெண்ணம் உங்கள் மேல் பதியும். நிறையச் செலவுங்க வந்தாலும் அதெல்லாம் ஒங்களுக்கு டென்ஷன்ஸ் அளிக்காது. மாறாக மன நிறைவும் சந்தோஷமும் வழங்கும்.

கடகம்

மந்தமாக/ நிதானமாக/ மெதுவாகக் காரியங்கள் நடைபெற்றாலும் நல்லபடியாகவே நடக்கும். நின்றுவிடாது. பின்வாங்காதீங்க. பேச்சில் கவர்ச்சி அம்சம் அதிகரிக்கும். நிறையப்பேர் உங்க கிட்ட ஆலோசனை கேட்பாங்க. சட்டென்று வேகமான தீர்மானங்கள் எடுக்க வேண்டிய சூழ்நிலை ஏற்படும். அதிர்ஷ்ட பலன்களை எதிர்பார்க்கலாம். உங்க  வேலையை ஈஸியா முடிக்கக் கூடிய யுக்திகளைக் கண்டறிவீங்க. பண வரவு சிறப்பாக இருப்பினும், மறுபுறம் செலவும் இருக்கக்கூடும். குடும்பத்திலும், தொழிலிலும் உங்க புதுத் திட்டம் வெற்றி  தரக்கூடியதாக இருக்கும். உறவினர் வகையில் விரோதம் உண்டாக வாய்ப்புள்ளது. அதனால் சொல், செயலில் நிதானமும், கவனமும் தேவை. குடும்பத்துல உங்க செயலால் எல்லோருக்கும் மகிழ்ச்சி உண்டாகும். வேலையில் உயரதிகாரிங்க ஆதரவு கிடைக்கும். ஆரோக்கியத்துல கவனம் வெச்சுக்குங்க.

சிம்மம்

உங்க மனசுல உள்ள குழப்பங்களை.. பயங்களை வீட்டில் உள்ள பெரியோர்களிடம் சொல்ல அவர்களிடமிருந்து மனதிற்கு ஆறுதல் தரக் கூடிய ஆலோசனை கிடைக்கும். உங்களுடையது வீண் பயம் தான் என்று அவங்க உங்களுக்குப் புரிய வைச்சு தெளிவுபடுத்திடுவாங்க. உஷ்ணம் சம்பந்தப் பட்ட உடல் உபாதைகள் வராதபடி கவனமாப் பார்த்துக்குங்க. கணவருக்கு/ மனைவிக்கு அரசாங்க உதவி  அல்லது உத்யோகம் கிடைக்கும். அடி  வயிற்று உபாதைகள் இருக்கும். உடனே சிகிச்சை எடுங்கள். எளிமையான மருந்து மாத்திரையுடன் முடிந்துவிடும். எந்தக் காரணம் கொண்டும் யாரிடமும் கடுமையாகப் பேசவோ சாபம் கீபம் விடவோ வேணாங்க.  உங்களுக்கு இருக்கும் இளகிய மனசை அப்டியே மாற்றாம வெச்சுக்குங்க. அவன் சொன்னான் இவள் சொன்னாள்னு உங்க அடிப்படை குணத்தை மாத்திக்காதீங்க. பயணங்களின்போது பொருட்களை கவனமா வெச்சுக்குங்க.

கன்னி

பெரிய அளவுல பயமுறுத்திக்கிட்டிருந்த உடல் கோளாறுகளும் உபாதைகளும் எளிமையாய் சரியாகி நிம்மதி வழங்கும். மந்த கதியில் போயிக்கிட்டிருந்த லைஃப் சந்தோஷமா.. துரித கதியில் போகும். காதலில் ஈடுபாடு வரும். அல்லது உங்க காதல், திருமணத்தில் முடியும். நண்பர்களுக்கு அரசாங்கத்தின் உதவிகிடைக்கும் அல்லது அரசாங்க உத்யோகமே கிடைக்கும். இப்போதைக்கு உத்யோகம் மாறும் நினைப்பெல்லாம் வேணாங்க. சற்றே பொறுமையா இருங்க. அப்படி மிகவும் தவிர்க்க முடியாத காரணம் என்றிருந்தால் உங்கள் ஜாதகத்தை ஒரு நல்ல ஜோதிடரிடம் காண்பியுங்கள். உங்கள் கவர்ச்சி அம்சமும், புகழும் அதிகரிக்கும். வெளியூர் வெளிநாடுன்னு போக சான்ஸ் கெடைக்கும். அந்தப் பயணத்தால நல்ல பலன்களும் உண்டு. குழந்தைகளுக்கு அவர்கள் எதிர்பார்த்த மாதிரி பாஸ்போர்ட், விசா கிடைக்கும்.

துலாம்

வயிறு சம்பந்தமான சின்னச்சின்ன உபாதைகளைச் சமாளிச்சுடுவீங்க. அறுவை சிகிச்சையும் இருக்காது ஒண்ணும் இருக்காது. ஏன் இப்படி பயப்படறீங்க? அரசாங்க உத்யோகம் கிடைக்க வாய்ப்பிருக்கு, ஆனால் அதில் சில தடைகளும் தாமதங்களும் இருக்கும். குரு சன்னிதிகளுக்குச் செல்வீர்கள்.  கோயில்களுக்குச் செல்ல நீங்கள் போட்டிருந்த திட்டங்கள் பல தடைகளுக்குப் பிறகு இப்போது நல்ல முறையில் நிறைவேற ஆரம்பிக்கும். குழந்தைகள் பெயரும், புகழும் பெற்று ஜமாய்க்க ஆரம்பிப்பார்கள். திடீர் லாபங்களும், எதிர்பாராத வருமானமும் கிடைக்கும். பலகாலம் வராத தொகைகள் திடீரென்று வந்து சேரும். நீங்களும் பல காலம் கிடப்பில் போட்டிருந்த கடமைகளைச் செய்து முடிப்பீங்க. படிப்பில் உங்க கடின முயற்சி காரணமாக நல்ல நிலை அடைவீங்க. பெற்றோர் மற்றும் பெரியவங்களோட அறிவுரை கேட்பது நல்லது. தேவையற்ற மன வருத்தங்கள் மற்றும் கற்பனை பயங்கள் வரும். தூக்கிப் போடுங்க.

விருச்சிகம்

வியாபாரிகள் உங்க வாக்கால் வாடிக்கையாளர்களைக் கவர்ந்து இலாபத்தைப் பெருக்குவீங்க. லேடீஸ்  அறிவுத்திறன் கூடும். இந்த ராசிக்காரங்களுக்கு ஹஸ்பெண்ட் / மனைவி ஒத்துழைப்பு கிடைக்கும். பணவிஷயங்களில் மிகவும் எச்சரிக்கையுடன் இருப்பது நல்லது.  நல்லவர்களுடன் ஏற்படும் பழக்கத்தால் நல்ல முன்னேற்றம் ஏற்படும். மாணவர்களுக்குக் கல்வியில் தடை, தாமதங்கள் ஏற்பட்டாலும், தேர்ச்சி உண்டு.  உழைப்பு அதிகமாகி அதற்கேற்ற ஆதாயம் வரும். வரவேண்டிய புதிய தகவல்கள் இந்த வாரம் வரும். சிலருக்கு, பணமுடை நீங்கும்  வீட்டு வாடகை வசூல் பாக்கிகள் வரும்  வீட்டுக்குத் தேவையான நவீன உபகரணங்களை வாங்கும் முயற்சியில் வெற்றிகாண்பீங்க. சருமம் சம்பந்தப்பட்ட பிரச்னைங்க வராம கேர்ஃபுல்லா பாதுகாத்துக்குங்க. ஜாலியா இருங்கப்பா. டோன்ட் ஒர்ரி. கவர்ச்சி அம்சம் அதிகரிக்கும். ஸ்வீட்டாப் பேசுவீங்க.

தனுசு

நன்மைகள் சற்று ஆமைவேகத்தில் வரும். செலவுகள் மடமடவென்று ஓடும். எதுக்கும் பயப்படாதீங்க. உங்க ஜோதிடரைக் கேட்டு உரிய பரிகாரங்கள் செய்ங்க. தானே சரியாகும். வரவர உங்களுக்குப் பொறுமை குறைஞ்சுக்கிட்டே வருது. வெளிநாட்டில உள்ள நண்பர்கள் அல்லது உறவினர்களுக்கு அவங்க எதிர்பார்த்தமாதிரியே குடியுரிமையும் நல்ல உத்யோகமும் கிடைக்கும். அவங்க கிட்டேயிருந்து உங்களுக்கு அன்பளிப்புகளும் நன்றியும் வரும்.  வாழ்க்கை சுவாரஸ்யமில்லாமல் போய்க்கொண்டிருந்த சமயத்தில் திடீர் அதிருஷ்டம் உள்ளே நுழைஞ்சு உங்களை சந்தோஷத்துல திக்குமுக்காடச் செய்யும். திருமணமாகாதவர்களுக்குத் திருமணம் நிச்சயமாகும். குழந்தை அற்றவர்களுக்குக் குழந்தை பிறக்கும். காதல் திருமணம் கனிந்து வெற்றியளிக்கும். தந்தைக்கு குட் நியூஸ் வரப்போகுதுங்க. திடீர் அதிருஷ்ட வாய்ப்பு வரும். பரிசுகள் கிடைக்கவும் வாய்ப்பு உள்ளது.

மகரம்

தேவையற்ற பகை உணர்வைக் கைவிடுவது நல்லதுங்க.  தாய் அல்லது சிஸ்டரின் அன்பும் அரவணைப்பும் மகிழ்ச்சி தரும். மருத்துவ மற்றும் சுகாதாரப் பணியாளர்களுக்குச் செல்வாக்குக்  குவியும். சில பணிகளை நீங்களே முன் நின்று பொறுப்பு எடுத்து நடத்தினால் தான் பணியில் முன்னேற்றம் காணலாம். சில நடவடிக்கைகளை நீங்க தள்ளிப்போட வேண்டியிருக்கும். தொழிலில் ஒப்பந்தங்கள் மூலம் சிறந்த பலன் கிடைக்கும். பொறுமை தேவை. உங்க நடவடிக்கைகள் சிறப்பாக இருக்கும். வேலையில் முன்னேற்றம் எதற்கும் நம்பிக்கை இழந்து விடாதீர்கள். உங்க முயற்சிகள்   நல்லமுறையில் தொடரும். எதிர்பார்த்த பலன்களை அதன் மூலம் பெறுவீங்க. வாகனம் வாங்கற ஐடியா இருந்தால் அந்த விருப்பம் நல்ல முறையில் நிறைவேறும். மாணவமாணவிகளுக்கு இது ஹாப்பி வீக். திடீர் நண்பர்கள் ஹெல்ப் செய்வாங்க. ஆரோக்யம் சூப்பரா இருக்கும். டோன்ட் ஒர்ரி.

சந்திராஷ்டமம்: ஜனவரி 16 முதல் ஜனவரி 18 வரை

சந்திராஷ்டம தினங்களில் பேச்சிலும் செயலிலும் கவனமாக இருக்க வேண்டும்.

கும்பம்

ரொம்ப நாளாய்த் தேடிக்கிட்டிருந்த உத்யோகம் அல்லது பதவி உயர்வு அல்லது சம்பள உயர்வு, டக்கென்று கிடைத்து மகிழ்ச்சியில் ஆழ்த்தும். பிரதர்ஸ் மற்றும் சிஸ்டர்ஸ்க்கு நிறைய நன்மைகள்… பெரிய நன்மைகள் உண்டு. அட சந்தோஷப்படுங்க. ஏன் தெரியுமா? அவங்களால உங்களுக்கு நன்மைகள் உண்டு. குழந்தைங்க புகழ் பெற்று வெளிச்ச மேடையில் கைதட்டல் பெறுவாங்க. வெளிநாட்டு மேடையாகவும் அது இருக்கக்கூடும். நீங்கள் திருமணமாகாதவரா திருமணம் நிச்சயமாகும். அல்லது உங்கள் குழந்தைகள் திருமண வயசில் இருக்காங்களா? அப்ப அவங்களுக்கு சுப நிகழ்ச்சிகள் கட்டாயம் உண்டுங்க. உடன் பிறந்தவங்க வீட்டு நிகழ்ச்சிகளில் கலந்துகிட்டு நெருங்கி சொந்தங்களைச் சந்திப்பீங்க. ஜமாயுங்க. பழைய நட்பைப் புதுப்பிச்சு சரி செய்யும் முயற்சிகள் வெற்றி தரும். பயம் நீங்கும். மனைவி / கணவர் பக்க உறவினர் கை ஓங்குவது சிறு உறுத்தல் தரும்.

சந்திராஷ்டமம்: ஜனவரி 18 முதல் ஜனவரி 21 வரை

சந்திராஷ்டம தினங்களில் பேச்சிலும் செயலிலும் கவனமாக இருக்க வேண்டும்.

மீனம்

வார ஆரம்பத்தில் உங்க ஆபீஸ்ல பேச்சு வார்த்தை பெரிய நன்மை தரப்போகுது. உறவினர் மத்தியிலும் உங்க பஞ்சாயத்து நல்லாவே பலன் தரும். நிறைய நிறைய செலவுகள் இருந்தாலும் எல்லாமே நல்ல காரணத்துக்காகத்தான் இருக்கும். குறிப்பாய் சுப நிகழ்ச்சிகள், கோயில்கள் என்று செலவு செய்வீங்க. குல தெய்வத்துக்குப் பல நாட்களாய்ப் போக நினைத்துத் தட்டிப் போய்க்கொண்டே இருந்ததல்லவா? அது நிறைவேறுமுங்க. தந்தைக்குப் புகழ் கூடும். உங்கள் தாய்மாமனின் உதவியும், ஆறுதலும், ஆதரவும் கிடைத்தே தீரும். அப்பாவுக்கு திடீர் நன்மை கிடைக்கும். அலுவலகத்தில் வெளிநாடு அனுப்புவாங்க. குடும்பத்தோடு அனுசரிச்சா குறைஞ்சா போயிடுவீங்க? சின்னச்சின்ன விஷயங்களை வீட்டிலும் வெளியிலும் அனுசரிச்சுப் போங்க. ஒண்ணுமில்லாத விஷயங்களைப் பெரிசுபடுத்த வேணாம். எனி வே.. நன்மைகள் நிறைந்த வாரம்தான்.

சந்திராஷ்டமம்: ஜனவரி 21 முதல் ஜனவரி 23 வரை

சந்திராஷ்டம தினங்களில் பேச்சிலும் செயலிலும் கவனமாக இருக்க வேண்டும்.