சில மாதங்களுக்கு முன்புவரை சர்ச்சைக்கு பெயர் போனவர் வனிதா விஜயகுமார். பிக் பாஸ் வீட்டிற்குள் போட்டியாளராகச் சென்றார். அந்த நிகழ்ச்சியில் இவரது கோபம் மற்றும் செயல்பாடுகள் அனைத்துமே கடுமையாக விமர்சிக்கப்பட்டது.
ஆனால், இவருடைய 2 குழந்தைகளும் பிக் பாஸ் வீட்டிற்குள் வந்தவுடன், இவர் மீதான பார்வை முழுமையாக மாறியது.
புதிதாக யூடியூப் சேனல் ஒன்றைத் தொடங்கி, சமையல் வீடியோக்களை பதிவேற்றம் செய்து வருகிறார் வனிதா .
இந்நிலையில் தற்போது வனிதா விஜயகுமாரின் மகள் ஜோவிகா தனது இன்ஸ்டாகிராம் பக்கத்தில் பதிவொன்றை வெளியிட்டுள்ளார். அது வைரலாகி வருகிறது.
https://www.instagram.com/p/CAIoWw1DsgA/
“ஒரு அற்புதமான வாழ்க்கையைக் கொடுத்தமைக்காக நான் என் அம்மாவுக்கு என்னுடைய நன்றியைத் தெரிவிக்க வேண்டும். நான் அனைவருக்கும் ஒன்று சொல்லிக்கொள்கிறேன், உங்கள் தாயை நம்பி அவர்கள் சொல்வதைக் கேளுங்கள், உங்களுக்கு எது நல்லதென்று அவருக்கு தெரியும், அவரை குறைத்து எடை போடாதீர்கள்.
நான் அம்மாவுக்கு உறுதுணையாக இருந்து அவரை உயர்த்த போகிறேன். அப்படித்தான் எல்லா குழந்தைகளும் தங்கள் தாய்க்கு செய்யவேண்டும். அம்மா கவலைப்பட வேண்டாம்.
ஏனென்றால் என்ன நடந்தாலும் நான் உங்களோடு இருந்து உங்களின் உயர்வுக்கு உதவுவேன். வாழ்க்கையில் நீங்கள் ஏற்கெனவே மிகப்பெரிய உயரங்களை நீங்களே அடைந்து வீட்டீர்கள், நான் அதை பார்த்திருக்கிறேன். வாழ்க்கை ஒரு சுத்தியல் போலவும் நீங்கள் ஒரு இரும்பு போலவும் உங்கள் கஷ்டங்களை நான் உங்கள் பக்கத்திலிருந்து பார்த்திருக்கிறேன். எப்போதும் போல வலிமையுடன், ஒரு போராளியைப் போல இருப்பீர்கள். நாங்கள் உங்களுடைய போர்வாளாக இருந்து சண்டையிடுவேன்” என ஜோவிகா தெரிவித்துள்ளார்.
