வரலாறு காணாத விலை உயர்வு… தங்கம் சவரன் ரூ.38 ஆயிரத்தை கடந்தது

சென்னை:

தமிழ்நாட்டில் தங்கத்தின் விலை நாளுக்கு உச்சத்தில்  சென்றுகொண்டிருக்கிறது.  தற்போதைய நிலையில் ஆபரணத்தங்கம்,  சவரன் ரூ.38 ஆயிரத்தை கடந்துள்ளது.

கொரோனா தொற்று காரணமாக வணிக நிறுவனங்கள் முடங்கி, நாட்டின் பொருளாதாரமே சரிவடைந்துள்ளது.  மக்களின் வாழ்வாதாரமே கேள்விக்குறியாகி  உள்ள நிலையில், தங்கத்தின் விலை தொடர்ந்து உயர்ந்து வருவது ஆச்சரியத்தை ஏற்படுத்தி உள்ளது.

சென்னையில் நேற்று ஆபரண தங்கம்  சரவன் ஒன்றுக்கு (8 கிராம்) 37,736 ரூபாயாக இருந்த நிலையில் இன்று 544 ரூபாய் உயர்ந்துள்ளது.

இதையடுத்து ஒரு சவரன் தங்கத்தின் விலை வரலாறு காணாத வகையில் ரூ.38,280-க்கு விற்பனையாகிறது.
மேலும் 24 கேரட் ஆபரண தங்கத்தின் விலை 40,152 ரூபாயாக உள்ளது.

ஒரு கிலோ வெள்ளியின் விலை நேற்று 60100 ரூபாயாக இருந்த நிலையில் இன்று 65,700 ரூபாயாக உள்ளது.