உலகக் கோப்பை கிரிக்கெட் : இன்று இந்தியா – இங்கிலாந்து மோதல்

லக்னோ

இன்றைய உலகக் கோப்பை கிரிக்கெட் போட்டியில் இந்தியா மற்றும் இங்கிலாந்து அணிகள் மோதுகின்றன.

இன்று லக்னோவில் நடைபெற உள்ள உலகக் கோப்பை கிரிக்கெட் தொடரின் 29- ஆவது லீக் ஆட்டத்தில் முன்னாள் சாம்பியனான இந்திய அணி, நடப்பு சாம்பியன் இங்கிலாந்தை எதிர்கொள்கிறது.

இந்தியா விளையாடிய 5 போட்டிகளிலும் வெற்றி பெற்று 10 புள்ளிகள் பெற்று புள்ளிப்பட்டியலில் 2 ஆவது இடத்தில் உள்ளது. ஆனால் இங்கிலாந்து விளையாடிய 5 போட்டிகளில் ஒரு வெற்றியுடன் புள்ளிப்பட்டியலில் கடைசி இடத்தில் உள்ளது.

இதுவரை இவ்விரு அணிகளும் ஒரு நாள் போட்டியில் 106 முறை நேருக்கு நேர் மோதி உள்ளன. இவற்றில் 5 முறை இந்தியாவும், 44 முறை இங்கிலாந்தும் வெற்றி பெற்றுள்ளன. இரு ஆட்டம் டையில் முடிந்து 3 ஆட்டம் முடிவில்லாமல் போனது.

இதுவரை இந்த உலகக் கோப்பையில் லக்னோவில் நடந்த போட்டிகளில் 2-வது பேட்டிங் செய்த அணி 2 முறை வெற்றி பெற்று  முதலில் பேட்டிங் செய்த அணி ஒரு முறை வெற்றி பெற்றுள்ளது., அதிகபட்சமாக 311 ரன்கள் எடுக்கப்பட்டு குறைந்தபட்சமாக 177 ரன்கள் எடுக்கப்பட்டுள்ளது

இன்றைய போட்டிக்கான இரு அணிகளின் உத்தேச பட்டியல்:-

இந்தியா: ரோகித் சர்மா (கேப்டன்),  சுப்மன் கில், விராட் கோலி, ஸ்ரேயாஸ் அய்யர், லோகேஷ் ராகுல், சூர்யகுமார் யாதவ், ரவீந்திர ஜடேஜா, குல்தீப் யாதவ், முகமது ஷமி, ஜஸ்பிரித் பும்ரா, முகமது சிராஜ்.

இங்கிலாந்து: பேர்ஸ்டோ, டேவிட் மலான், ஜோ ரூட், பென் ஸ்டோக்ஸ், ஜோஸ் பட்லர் (கேப்டன்),  ஹாரி புரூக், லியாம் லிவிங்ஸ்டன், கிறிஸ் வோக்ஸ், டேவிட் வில்லி, அட்கின்சன், அடில் ரஷித்.