சென்னை:
நடிகர் ரஜினிகாந்த் நடித்து வந்த காலா படத்தின் படப்பிடிப்பு முடிவடைந்துள்ள நிலையில் வரும் மார்ச் 1ந்தேதி படத்தின் டீசர் வெளியிடப்படும் என தயாரிப்பாளரும், ரஜினியின் மருமகனுமான தனுஷ் அறிவித்துள்ளார்.
ரஜினிகாந்த் நடித்து, வொண்டர்பார் பிலிம்ஸ் தயாரித்துள்ள காலா திரைப்படத்தில் ஹுமா குரேஷி, நானா படேகர், அஞ்சலி பாட்டீல், சமுத்திர கனி உள்பட பலர் நடித்துள்ளனர்.
நடிகரும், ரஜினியின் மருமகனுமான தனுஷ் தயாரித்துள்ள இந்த படத்தை பா. ரஞ்சித் இயக்கியுள்ளார். சந்தோஷ் நாராயண் இசையமைத்துள்ளார். இந்த திரைப்படம் ஏப்ரல் 27ம் தேதி ரிலீசாகும் என்று தனுஷ் அறிவித்துள்ள நிலையில், தற்போது மார்ச் 1ந்தேதி டீசர் வெளியிடப்படும் என அறிவித்துள்ளார்.