எட்ஸெட்ரா எண்டர்டெயிமென்ட் நிறுவனம் தயாரிப்பில் நடிகை ஹன்சிகாவின் 50-வது படமாக உருவாகியுள்ள திரைப்படம் மஹா.
இந்த படத்தில் நடிகர் சிலம்பரசன் கெளரவ தோற்றத்தில் நடித்துள்ளார். யு.ஆர்.ஜமீல் இயக்கத்தில் உருவாகிய இந்த படத்திற்கு ஜிப்ரான் இசையமைத்துள்ளார்.
ஸ்ரீகாந்த், தம்பி ராமய்யா, சனம் ஷெட்டி ஆகியோர் இந்த படத்தில் நடித்துள்ளனர்.
இந்தப் படத்துக்கு இசையமைப்பாளராக ஜிப்ரான், ஒளிப்பதிவாளராக லக்ஷ்மன், எடிட்டராக ஜான் ஆப்ரஹாம் ஆகியோர் பணிபுரிந்துள்ளனர்.
இந்நிலையில் படத்தின் வேலைகள் முடிந்துவிட்டதாகவும், தணிக்கைக்கு அனுப்பியிருப்பதாகவும், விரைவில் ஓடிடி தளத்தில் வெளியாகும் என்றும் சிலர் ட்விட்டரில் பகிர்ந்து வந்தனர்.
இது குறித்து தெளிவுபடுத்தியிருக்கும் படத்தின் இயக்குநர் யுஆர் ஜமீல், “இது பொய்யான செய்தி. சிலம்பரசன் அவர்களின் ரசிகர்கள் எப்படி உணர்வார்கள் என்பது எனக்கு நன்றாகப் புரிகிறது. மஹா ஆரம்பித்து 4 வருடங்கள் ஆகிவிட்டன. எனக்குத் தெரியும். ஆனால் எனது படத்தைப் பற்றிய சரியான தகவல் தெரிந்து கொள்ள இன்னும் சில நாட்கள் காத்திருங்கள். என் படத்தின் மீது எஸ்டிஆர் ரசிகர்கள் காட்டும் அன்புக்கும் ஆதரவுக்கும் நான் என்றும் நன்றியுடன் இருப்பேன்” என்று ட்வீட் செய்துள்ளார்.