உடல் பருமனால் பாதிக்கப்படும் குழந்தைகளுக்கு மருத்துவ வல்லுநர்கள் மூலம் சிறப்பு சிகிச்சை அளிக்கிறது கோவை ஸ்ரீ ராமகிருஷ்ணா மருத்துவமனை

Must read

கோவை: இந்தியாவில் உடல் பருமனால் பாதிக்கப்படும் குழந்தைகளின் எண்ணிக்கை நாளுக்கு நாள் உயர்ந்து வரும் நிலையில், உடல் பருமனால் பாதிக்கப்படும் குழந்தைகளுக்கு கோவை ஸ்ரீ ராமகிருஷ்ணா மருத்துவமனை சிறப்பு மருத்துவ வல்லுநர்களைக் கொண்டு சிகிச்சை அளிக்கிறது.

இன்றைய டிஜிட்டல் உலகத்தின் அதிவேக வளர்ச்சி, குழந்தைகள் முதல் முதியவர்கள் வரை அனைவருக்கும்,  ஒரு தீவிர பொதுச்சுகாதாரப் பிரச்சினையாக உருவெடுத்து வருகிறது. இன்றைய குழந்தைகளையும், இளைய தலைமுறையினரையும் அடிமையாக்கி உள்ள டிஜிட்டல் உலகத்தால், குழந்தைகள் பல்வவேறு வகையான உடல் உபாதைகளால் ஆட்பட்டு வருகின்றனர். பிறந்த குழந்தை அழுவதை நிறுத்த பெற்றோர்கள் இணையதளத்தில் உள்ள பாடல்களையும், கார்ட்டூன்களையும் காட்டி அவர்களை சமரசப்படுத்துவதும், வளர்ந்த குழந்தைகள், இணைய விளையாட்டு போன்ற பல்வேறு இணையதள நிகழ்ச்சிகளுக்கு அடிமைகளாகி வருவதும், நாளுக்கு நாள் அதிகரித்து வருகிறது.

உடல் உழைப்பின்மை, மரபியல், தவறான உணவுப் பழக்கம், அதிகமான துரித உணவுகளை உண்பது, ஹார்மோன்பிரச்சனை, அதிக நேரம் டிவி பார்க்கும் குழந்தைகள், வீடியோ கேம்ஸ், கம்ப்யூட்டரில் கேம்ஸ் விளையாடும் குழந்தைகளுக்கு உடல் பருமன் அதிகமாக இருக்கும் என அமெரிக்காவில் உள்ள ஜமா குழந்தைகள் மருத்துவ ஆராய்ச்சி மையத்தில், வெர்மான்ட் மற்றும் யேல் பல்கலைக்கழகங்கள் இணைந்து நடத்திய ஆய்வறிக்கை தெரிவித்து உள்ளது. அவர்களது ஆய்வறிக்கையில்,  சாதாரண எடை கொண்ட குழந்தைகளோடு ஒப்பிடுகையில், பருமனான குழந்தைகளுக்குத் தங்கள் வேலையைப் பற்றிய நினைவாற்றல் குறைவாக உள்ளது எனவும், இவர்கள் அதிக கவனச் சிதறலுக்கு உட்படுகின்றனர் எனவும் கண்டறியப்பட்டுள்ளன.

பெற்றோர்களின் கவனிப்பின்மை, இயந்திரத்தனமான வாழ்க்கை நடைமுறை போன்றவைகளால் இன்றைய தலைமுறை நோய்களால் பீடிக்கப்பட்டே வளர்கிறது. சுமார்  20 ஆண்டுகளுக்கு முந்தைய காலக்கட்டத்தை பார்த்தோமானால்,  பெரும்பாலும் ஊட்டச்சத்து குறைவுள்ள, ஒல்லியான குழந்தைகளே தென்படுவார்கள். எங்காவது குண்டான குழந்தையை கண்டால், அருகே உள்ளவர்கள் அதை கொஞ்சி மகிழ்ந்து சந்தோஷப்படுவார்கள். ஆனால் தற்போது, அதற்கு நேரெதிராகப் பருமனான குழந்தைகளே அதிகம் காணப்படுகிறார்கள். பெற்றோர்களுக்கு குழந்தைகள் எப்படி இருந்தாலும் அழகுதான். ஆனால், இன்றைய காலக்கட்டத்தை பார்த்தாமோனால், எங்கு பார்த்தாலும் குண்டாக, மொழுமொழவென குழந்தைகள்தான் தென்படுகின்றன. இவர்களில் பலர் ஆரோக்கியமற்ற நிலையில்தான் வளர்ந்து வருகின்றனர் என்பதை மறுக்க முடியாது.

குழந்தைகள் குண்டாவதால் ஏற்படும் பாதிப்புகள் என்ன, இந்தியாவில் உடல் பருமனால் பாதிக்கப்படும் குழந்தைகளின் எண்ணிக்கை நாளுக்கு நாள் உயர்கிறதா? மருத்துவர்கள் என்ன சொல்கிறார்கள்? அதை தடுப்பது எப்படி என்பது குறித்து,  கோவை ஸ்ரீ ராமகிருஷ்ணா மருத்துவமனை பொதுமக்கள் எளிதாக தெரிந்துகொள்ளும் வகையில் விளக்கம் அளித்து உள்ளது.

இதுதொடர்பாக  கோவை ஸ்ரீ ராமகிருஷ்ணா  மருத்துவமனையின் குழந்தைகள் நல மருத்துவர்கள், குழந்தை உடல் பருமன் பற்றிய புள்ளி விவரங்கள், குழந்தையின் ஆரோக்கியத்தில் ஏற்படும் பாதிப்பு மற்றும் பாதிப்பை கட்டுப்படுத்த அல்லது நிர்வகிப்பதற்கான பல்வேறு சுவாரஸ்யமான தகவல்களை பெற்றோர்கள் எளிதில் புரிந்துகொள்ளும் வகையில் விரிவாக விளக்ம் அளித்துள்ளனர்.

உலக அளவில் குறிப்பாக, இந்தியாவில்  குழந்தை பருவ  உடல் பருமன் பாதிப்பு  என்பது வளர்ந்து வரும் கவலைகளில் ஒன்று. உலக சுகாதார அமைப்பின் (WHO) கூற்றுப்படி, 21-ஆம் நூற்றாண்டின் மிக முக்கியமான பொது சுகாதார பிரச்சினைகளில் ஒன்று குழந்தை பருவ உடல் பருமன். 14.4 மில்லியன் பருமனான குழந்தைகளுடன், உலகிலேயே அதிக பருமனான குழந்தைகளின் எண்ணிக்கையில் இந்தியா இரண்டாவது இடத்தில் உள்ளது என்று ஆய்வு அறிக்கை கூறுகிறது. எனவே, இதன் ஆபத்தான போக்கு மற்றும் உடல்நல பாதிப்புகள் காரணமாக குறித்து மக்கள் கவனத்தைத் திருப்புவது மிகவும் முக்கியமானது.

கடுமையான பொது முடக்கம் காரணமாக நாம் அனைவரின் உடல் இயக்கம் சற்று தடைபட்டது என்பது உண்மையே, இது மக்கள்களை  பீதியடைய வைத்து  நீண்ட ஆயுளைக் கொண்ட துரித  உணவு பொருட்களை வாங்க வழிவகுத்தது, குறிப்பாக அதிக பதப்படுத்தப்பட்ட மற்றும் அதிக கலோரி கொண்ட உணவுகள் அதிகமாக உட்கொள்ள நேர்ந்தது. கூடுதலாக, நாடு தழுவிய பொது முடக்கத்தின் விளைவாக 2020 இல் பள்ளிகள் மூடப்பட்டன, இது அனைத்து வயது குழந்தைகளையும் அவர்களின் வீடுகளுக்குள் முடங்க வைத்தது.

பள்ளிகள் ஆன்லைன் மூலம் கற்பித்தல் முறையை செயல் படுத்த தொடங்கின, இதனால் குழந்தைகள் தங்கள் பகல்நேர வகுப்புகளுக்கு மொபைல் சாதனங்கள், மடிக்கணினிகள் மற்றும் டேப்லெட்டுகளை சார்ந்து இருக்கும் நிலை ஏற்பட்டது. இதனால் சராசரியாக மொபைல் போன்ற  சாதனங்கள் பயன்படுத்தும் நேரம் 5 மணிநேரம் அதிகரித்தது என்பது குறிப்பிடத்தக்கது. தொற்றுநோய்களின் போது, ​​உணவு அதிகமாக சாப்பிடுவதும் உடல் உழைப்பின் பற்றாக்குறை காரணமாக, அதிக கலோரிகள் உடலில் அதீத கொழுப்பாக மாறியதால் இது குழந்தைகளின் எடையை உயர்த்தியது.

அதீத உடல் பருமனால் குழந்தைகளுக்கு உடல் ரீதியாக ஏற்படும்  தாக்கம்:

2 ஆம் வகை நீரிழிவு நோய்:

உயர் இரத்த சர்க்கரை அளவு மற்றும் முறையற்ற குளுக்கோஸ் வளர்சிதை மாற்றம் ஆகியவை குழந்தைகளுக்கு நீரிழிவு நோயை ஏற்படுத்தும் அறிகுறிகளாகும்.

அதிக எடை கொண்ட குழந்தைகள் மற்றும் பெரியவர்களுக்கு 2 ஆம் வகை நீரிழிவு நோய் வருவதற்கான வாய்ப்புகள் அதிகம். இருப்பினும், உணவுமுறை மற்றும் வாழ்க்கை முறை மாற்றங்கள் மூலம், இதை மாற்றியமைக்க முடியும்.

இருதய நோய்:

அதிக கொலஸ்ட்ரால் மற்றும் இரத்த அழுத்தம் காரணமாக உடல் பருமனாக உள்ள குழந்தைகளுக்கு எதிர்காலத்தில் இதய நோய்கள் வர வாய்ப்புகள் அதிகம். உயர் இரத்த அழுத்தம் மற்றும் கொலஸ்ட்ரால் உப்பு மற்றும் கொழுப்பு நிறைந்த உணவுகளை உட்கொள்வதால் ஏற்படுகிறது. மாரடைப்பு மற்றும் பக்கவாதம் ஆகியவை இதன் விளைவுகளாகும்.

முன்கூட்டிய பருவமடைதல்:

பொதுவாக, பெண்கள் 8 முதல் 13 வயது வரையிலும், ஆண்களுக்கு 9 முதல் 14 வயது வரையிலும் பருவமடைகின்றனர். அதீத உடல் பருமன் 8 வயதுக்குட்பட்ட இளம்பெண்கள் பருவமடைய காரணமாக அமைகிறது. முன்கூட்டிய பருவமடைதல், ஆரம்ப பருவமடைதல் என்றும் குறிப்பிடப்படுகிறது,

உடல் இயக்கம் தொடர்பான கவலைகள்:

உடல் பருமான குழந்தைகள் அதீத மூட்டு வலி மற்றும் கட்டுப்படுத்தப்பட்ட உடல் இயக்கத்தை அனுபவிக்கும் வாய்ப்புகள் அதிகம், ஆனால் அவர்கள் எடை குறைக்க ஆரம்பித்தவுடன், இந்த அறிகுறிகளை மாற்றியமைக்கலாம், மேலும் அவர்கள்  முழு அளவிலான இயக்கத்தை மீண்டும் பெறலாம்.

குழந்தை உடல் பருமன் தொடர்பான கட்டுக்கதைகளை நம்ப வேண்டாம்:

கட்டுக்கதை 1:

குழந்தையின் பருவ உடல் பருமன் மரபணுக்களால் கட்டுப்படுத்தப்படுகிறது

உண்மை: எடையில் மரபணுக்கள் பங்கு வகிக்கின்றன, ஆனால் அவை ஒரு சிறிய கூறு மட்டுமே. ஆரோக்கியமான உணவு மற்றும் உடற்பயிற்சி செய்தால், பெரும்பாலான குழந்தைகள் ஆரோக்கியமான எடையை பராமரிக்க முடியும்.

கட்டுக்கதை 2:

அதீத எடையை பொதுவான  குழந்தை பருவத்தில் ஏற்படும்  கொழுப்பு என்று நினைப்பது

உண்மை: இது அபாயங்களை கணிசமாக அதிகரிக்கிறது என்றாலும், குழந்தை பருவத்தில் உடல் பருமன் எப்போதும் இளமைப் பருவத்தில் உடல் பருமனை ஏற்படுத்தாது.

ஸ்ரீ ராமகிருஷ்ணா மருத்துவமனையில், குழந்தை பருவத்தில் ஏற்படும் உடல் பருமன் மற்றும் பருவமடைதல் பிரச்சனைகளை சமாளிக்க மருத்துவ வல்லுநர்கள் சிறப்பு சிகிச்சை அளிக்கின்றனர். கூடுதலாக, இளம் பெண் குழந்தைகள் பருவமடைவதைத் தாமதப்படுத்த அல்லது தடுக்க மருத்துவர்கள் சிகிச்சை அளிக்கின்றனர். குழந்தைகளின் உடல் பருமனைக் கட்டுப்படுத்தவும், ஆரோக்கியமான முறையில் கூடுதல் எடையை குறைக்க  உதவும் நோயறிதல் நடைமுறைகள் மற்றும் மருத்துவ ரீதியாக அங்கீகரிக்கப்பட்ட வழிகளையும் கோயம்புத்தூர்  ஸ்ரீ ராமகிருஷ்ணா மருத்துவமனை வழங்குகிறது.

உடல் பருமனைக் கையாள குழந்தைகளில் வாழ்க்கைமுறை  மாற்றத்தைக் கொண்டுவருவதற்கான உதவிக்குறிப்புகள்:

உணவுப் பழக்க மாற்றங்கள்:

உடல் பருமனை எதிர்த்துப் போராடுவதற்கான முதல்படி, பருமனான குழந்தைகள் ஆரோக்கியமான உணவுப்பழக்கங்களைக் கடைப்பிடிப்ப தாகும். அதீத திண்பண்டங்கள், இனிப்புகள், காற்றூட்டப்பட்ட பானங்கள் மற்றும் பிற துரித உணவு பொருட்களை  உட்கொள்வதைக் கட்டுப்படுத்துங்கள்.

பொழுதுபோக்கு சாதனங்கள் பயன்பாட்டயை   குறைக்கவும்:

குழந்தைகள் அதிக நேரம் டிவி பார்ப்பதற்கோ அல்லது கணினிகள், ஸ்மார்ட்போன்கள் அல்லது பிற சாதனங்களில் கேம் விளையாடுவதிலோ அதிக நேரம் செலவழித்தால் குழந்தைகள் உடல் எடை அதிகரிக்க வாய்ப்புகள் அதிகம். இது அவர்களின் விளையாட்டு நேரத்தைக் கட்டுப்படுத்தி  சிற்றுண்டி நேரத்தை அதிகரிக்கிறது.

நல்ல இரவு நேர தூக்கம்:

ஆறு முதல் பன்னிரெண்டு வயதுள்ள குழந்தைகளுக்கு ஒரு இரவில் ஒன்பது முதல் பன்னிரண்டு மணி நேரம் தூக்கம் தேவை. தூக்கமின்மை உடல் பருமனை ஏற்படுத்துகிறது, ஏனெனில் இது குழந்தைகள் அதிகமாக சாப்பிடுவதற்கும் குறைவான சுறுசுறுப்பாகவும் இருக்க வழி வகுக்கும்..

ஆரோக்கியமான பழக்கங்களை ஊக்குவிக்கவும்:

ஊட்டச்சத்தைப் பற்றிய குழந்தையின் புரிதலை மேம்படுத்தலாம், யோகா மற்றும் விளையாட்டுகள் போன்ற உடல் செயல்பாடுகளுக்கு வாய்ப்புகளை வழங்கலாம் மற்றும் ஆரோக்கியமான பழங்கள் உள்பட உணவு விருப்பங்களை வழங்கலாம்.

உடல் செயல்பாடுகளில் அவர்களை ஈடுபடுத்துங்கள்:

குழந்தைகள் சிறந்த விளையாட்டு வீரர்கள் ஆகவில்லை என்றாலும்  கவலைப்பட வேண்டாம். மாறாக, தயவு செய்து அவர்களை மகிழ்ச்சியான உடல் செயல்களில் ஈடுபட ஊக்குவிக்கவும். உதாரணமாக, அவர்கள் நடனம் அல்லது ஏதேனும் உள்ளாரங்கு விளையாட்டை ரசிக்கிறார்கள் என்றால், அவர்களை ஒரு வகுப்பில் இணைப்பது உங்களுக்கு பயனளிக்கும்.

சர்க்கரை பொறியில் இருந்து குழந்தையை காப்பாற்றுங்கள்:

ரொட்டி, பதிவு செய்யப்பட்ட சூப்கள், பாஸ்தா சாஸ், ஊறுகாய், உறைந்த உணவுகள், குறைந்த கொழுப்புள்ள உணவுகள், துரித உணவுகள் மற்றும் கெட்ச்அப் போன்றவற்றில் மறைக்கப்பட்ட சர்க்கரை இருக்கலாம். பழங்கள் சார்ந்த தின்பண்டங்கள் மற்றும் இனிப்பு வகைகளை அறிமுகப்படுத்துவதற்கு ஆதரவாக குக்கீகள், மிட்டாய்கள் மற்றும் வேகவைத்த பொருட்களை குழந்தை உட்கொள்வதைக் கட்டுப்படுத்துங்கள்.

நல்ல கொழுப்புகளை தேர்ந்தெடுத்து உட்கொள்ளுங்கள்:

கொழுப்பு இல்லாததற்கு பதிலாக நல்ல கொழுப்புகளை தேர்ந்தெடுத்து உட்கொள்ளுங்கள் அனைத்து கொழுப்புகளும் உடல் எடையை அதிகரிக்காது. குழந்தையின் உணவில் இருந்து கொழுப்பை அகற்ற முயற்சிப்பதை விட ஆரோக்கியமற்ற கொழுப்புகளுக்கு பதிலாக ஆரோக்கிய மான கொழுப்புகளை மாற்றுவதில் கவனம் செலுத்துங்கள். குழந்தையின் ஆரோக்கியத்தைப் பாதுகாக்க, கெட்ட கொழுப்புகளிலிருந்து விலகி இருங்கள்.

குழந்தைகளில் உடல் பருமன் என்பது ஒரு சிக்கலான நிலை, இது வாழ்நாள் முழுவதும் சிக்கல்களை ஏற்படுத்தும். அதீத எடை பிரச்சினைகளுடன் தங்கள் குழந்தை போராடுவதைப் பார்ப்பது பெற்றோருக்கு சவாலாக இருக்கலாம். இருப்பினும், அவர்களின் எடையைப் பொருட்படுத்தாமல், குழந்தையை ஆரோக்கியதை ஆதரிப்பது முக்கியம்.

ஸ்ரீ ராமகிருஷ்ணா மருத்துவமனை பற்றி

ஸ்ரீ ராமகிருஷ்ணா மருத்துவமனை 1975 இல் தொடங்கப்பட்ட ஒரு புகழ்பெற்ற மருத்துவ நிறுவனம். கோயம்புத்தூர் நகரின் மையப்பகுதியில் அமைந்துள்ள இந்த மருத்துவமனை பல வழிகளிலும் சேவைகளாலும்  மருத்துவ வரலாற்றின் ஒரு பகுதியாக மாறியுள்ளது. எஸ்என்ஆர் சன்ஸ் தொண்டு நிறுவனத்தால் நிறுவப்பட்டு நடத்தப்படும் ஸ்ரீ ராமகிருஷ்ணா மருத்துவமனை ஒவ்வொரு ஆண்டும் ஆயிரக்கணக்கான நோயாளிகளுக்கு சிகிச்சை அளிக்கிறது. உயிர்க்கொல்லி நோய் பாதிப்புகள்  முதல் அன்றாட வியாதிகளுக்கான சிகிச்சைகள் வரை, அதிநவீன தொழில்நுட்பம், அதிநவீன அறுவை சிகிச்சை மற்றும் மருத்துவ நுட்பங்களைப் பயன்படுத்தி அனைத்து தரப்பு நோயாளிகளுக்கும் சிறந்த மருத்துவ சேவைகளை வழங்கிவரும் மக்களுக்கான மருத்துவமனை ஆகும்.

https://www.youtube.com/c/SriRamakrishnaHospital

https://www.facebook.com/SriRamakrishnaHospital

https://en.wikipedia.org/wiki/Sri_Ramakrishna_Hospital

https://www.instagram.com/ramakrishnahospital/

More articles

Latest article