கந்தசஷ்டி கவசத்தை இழிவுபடுத்திய 'கறுப்பர் கூட்டம்' சுரேந்திரனுக்கு 30 ஆம் தேதி வரை நீதிமன்ற காவல்…

Must read

சென்னை:
கந்தசஷ்டி கவசத்தை இழிவுபடுத்திய ‘கறுப்பர் கூட்டம்’ சுரேந்திரனுக்கு 30 ஆம் தேதி வரை நீதிமன்ற காவல் அளித்து நீதிபதி உத்தரவிட்டார்.
 தமிழ்க்கடவுள் முருகனின் கவசமான கந்த சஷ்டி கவசத்தை இழிவு படுத்தும் நோக்கில்  வீடியோ வெளியிட்ட கறுப்பர் கூட்டம் யுடியூப் சேனலைச் சேர்ந்தவர்கள் மீது ஏராளமான புகார்கள் பதிவி செய்யப்பட்டது. மத நல்லிணக்கத்தை குலைப்பதாக அவரது வீடியோ உள்ளதாக குற்றம் சாட்டப்பட்டது.
புகாரின் பேரில் போலீசார் கருப்பர் கூட்டம் யூடியூப் சேனல் மற்றும் நிர்வாகிகள் மீது வழக்குப்பதிவு செய்து அவர்களை தேடி வந்தனர். இதில், வேளச்சேரியை சேர்ந்த செந்தில்வாசன், என்பவரை மத்தியகுற்றப்பிரிவு போலீசார் கைது செய்து தொடர்ந்து விசாரணை செய்து வருகின்றனர்.

இந்த நிலையில் கறுப்பர் கூட்டத்தைச் சேர்ந்த சுரேந்திரன் என்பவர் மாறுவேடத்தில் புதுச்சேரி  அரியாங்குப்பம் காவல் நிலையத்தில் சரண்டைந்தார். அவரை தமிழ்நாடு போலீசார் சென்னைக்கு அழைத்து வந்தனர்.
ராயபுரத்தில் உள்ள மாஜிஸ்திரேட் ரோஸ்லின் துரை இல்லத்தில் சுரேந்தர் ஆஜர்படுத்தப்பட்டார். அவரை ஜூலை 30ந்தேதி வரை நீதிமன்ற காவலில் வைக்க நீதிபதி உத்தரவிட்டார்.

Support patrikai.com

பத்திரிக்கை டாட் காம் இணையதள செய்திகளை அதிகளவு விரும்பி படிப்பதற்கு நன்றி. சிறந்த முறையில் செய்திகளை தொடர்ந்து வழங்க பத்திரிக்கை டாட் காம் குழுவிற்கு உங்கள் நிதிப் பங்களிப்பை வழங்கி ஆதரவளிக்குமாறு கேட்டுக்கொள்கிறோம். தொடர்ந்து பல்வேறு கோணங்களில் செய்திகளை வழங்கவும், பதிவு செய்யப்படாத அரிய செய்திகளை ஆவணப்படுத்தவும் உங்கள் நன்கொடை உதவிகரமாக இருக்கும் என்பதில் எந்த ஒரு ஐயப்பாடும் இல்லை.

More articles

Latest article