டில்லி: ஆம் ஆத்மி மேலிடப் பொறுப்பாளர் தீபக் சிங்லாவின் வீடு உள்பட டெல்லி, பஞ்சாப் மாநிலங்களில் அமலாக்கத்துறை அதிகாரிகள் சோதனை நடத்தினர்.
டெல்லியில் ஆம் ஆத்மி கட்சி (ஏஏபி) தலைவர் தீபக் சிங்லா மற்றும் சண்டிகரில் உள்ள மாநில கலால் ஆணையர் வருண் ரூஜம் ஆகியோரின் வீடுகள் உட்பட பஞ்சாபின் பல இடங்களில் அமலாக்க இயக்குனரகம் (ED) புதன்கிழமை சோதனை நடத்தி வருகிறது.
டில்லியில், மதுபான கொள்கை ஊழலில் தொடர்புடைய சட்ட விரோத பணப் பரிமாற்ற வழக்கில், சமீபத்தில், ஆம் ஆத்மி தேசிய ஒருங்கிணைப்பாளரும், டில்லி முதல்வருமான அரவிந்த் கெஜ்ரிவாலை, ஈ.டி., எனப்படும் அமலாக்கத் துறை கைது செய்தது. இவரை, 28ம் தேதி வரை காவலில் எடுத்து விசாரிக்க, அமலாக்கத் துறைக்கு டில்லி நீதிமன்றம் அனுமதி வழங்கியது.எ கைது செய்யப்பட்டு சிறையில் இருந்தாலும், முதல்வராக, அரவிந்த் கெஜ்ரிவால் தொடர்வார் என, ஆம் ஆத்மி அறிவித்தது.
இந்த நிலையில், “டெல்லியில் உள்ள அனைத்து மக்களும் அரவிந்த் கெஜ்ரிவாலுடன் நிற்கிறார்கள். அதன் தலைவரைக் கைது செய்வதன் மூலம் ஆம் ஆத்மி கட்சியை வீழ்த்தலாம் என்று பாஜக நினைத்தது. அவர்கள் தவறாக நினைக்கிறார்கள்… கெர்ஜிவால் சொல்வதைச் செய்வதால் அதிகமான மக்கள் இணைகிறார்கள். அவர் வாக்குறுதிகளை நிறைவேற்றுவார். அனைத்து வாக்குறுதிகளையும் நிறைவேற்றி, சிறையில் இருந்து மக்களைக் கவனித்துக் கொள்ளுங்கள்” என்று ஆம்ஆத்மி தலைவர் திலீப் பாண்டே கூறினார்.
இந்த நிலையில், ஆம் ஆத்மி மேலிடப் பொறுப்பாளர் தீபக் சிங்லாவின் வீடு உள்ளிட்ட இடங்களில் அமலாக்கத்துறையினர் சோதனை நடத்தினர். சிங்லா, டில்லியின் விஸ்வாஸ் நகர் சட்டசபை தொகுதியில் ஆம் ஆத்மி கட்சி சார்பில் தேர்தலில் போட்டியிட்டார். அவரது வீடு உள்பட டெல்லி மற்றும் பஞ்சாபின் பல இடங்களில் சோதனை நடைபெற்று வரகிறது. சண்டிகரில் உள்ள மாநில கலால் ஆணையர் வருண் ரூஜம் ஆகியோரின் வீடுகளிலும் அமலாக்கத்துறையினர் சோதனையில் ஈடுபட்டு வருகின்றனர்.