சென்னை: மின்விபத்துக்களை தவிர்க்க மின்சார சீரமைப்பு பணிகளின்போது ஊழியர்கள் ஹெல்மெட், ஷு அணிந்து பாதுகாப்பான முறையில் மேற்கொள்ள வேண்டும் என தமிழ்நாடு மின்வாரியம் அறிவுறுத்தி உள்ளது. மேலும், பராமரிப்பு பணிகள் மற்றும் மழைக்காலங்களில் ஏற்படும் மின்விபத்துக்களை தவிர்க்க நடவடிக்கைகள் எடுக்க வேண்டும் என மின்வாரிய பொறியாளர்கள் மற்றும் ஊழியர்களுக்கு மின்சார வாரியம் உத்தரவிட்டுள்ளது.
தமிழ்நாட்டில், ஜனவரி முதல் மார்ச் வரை மாநிலம் முழுவதும் 97 மின் விபத்துகள் பதிவான நிலையில் தமிழக மின்வாரியம் இந்த சுற்றறிக்கை அனுப்பப்பட்டுள்ளது.
இதுதொடர்பாக தமிழக மின்வாரியம் , மின்சார வாரிய பொறியாளர்கள் மற்றும் ஊழியர்களுக்கு விடுத்துள்ள சுற்றறிக்கையில் கூறப்பட்டுள்ளதாவது,
- அலுவலகத்தில் மாதத்திற்கு ஒருமுறை பாதுகாப்பு பணிகள் நடத்தப்பட வேண்டும்.
- அந்தந்த பகுதிகளில் உள்ள பழுதடைந்த மின்கம்பிகள், வயர்கள், ட்ரான்ஸ்பார்மர்கள், மின்கம்பங்களை உடனடியாக மாற்றிட வேண்டும்.
- கூட்டம் நடைபெறும் தேதி, பங்கேற்பு விவரங்கள் மற்றும் பணியாளர்களுக்கு பிரிவு அலுவலர் விளக்கிய பாதுகாப்பு புள்ளிகள் குறித்த அறிக்கையை மண்டல அலுவலகங்களுக்கு அனுப்ப வேண்டும்.
- பிராந்திய அளவில், பாதுகாப்பு வகுப்புகள் நடத்துவதையும் உறுதிசெய்யலாம்
- மின்சார சீரமைப்பு பணியின் போது, ஊழியர்கள் பாதுகாப்பு காலணிகள், தலைக்கவசங்கள், பாதுகாப்பு உடைகள், பாதுகாப்பு பெல்ட், ரப்பர் கையுறைகள் உள்ளிட்ட உபகரணங்களை அணிய வேண்டும்
- பழைய இன்சுலேட்டர்கள், டிஸ்க்குகள் மற்றும் அரிக்கப்பட்ட / சேதமடைந்த துருவங்கள் / உலோக பாகங்கள் இருக்க வேண்டும் உடனடியாக மாற்றப்பட வேண்டும்
- மின்கம்பிகள் செல்லும் பகுதிகளில் அதிகளவில் மரம் வளர்ந்திருந்தாலோ அல்லது முறிந்து விழும் நிலையில் இருந்தாலோ அந்த மரங்களை உடனடியாக அப்புறப்படுத்த வேண்டும்.
- சட்டவிரோதமாக மின் திருட்டில் பெரும்பாலான மின் விபத்துகள் ஏற்படுவதால், அதில் யாரேனும் ஈடுபட்டால் கிரிமினல் நடவடிக்கை எடுக்கப்படும் என்று பொதுமக்களை எச்சரிக்க வேண்டும்.
- மின் திருட்டில் ஈடுபடுவோர் மீது போலீசில் புகார் அளிப்பதை மின்வாரிய அலுவலர்கள் உறுதி செய்ய வேண்டும்.
- ஏபி சுவிட்சுகள் முறையாக திறக்கப்படாததால் பல விபத்துகள் நடப்பதாக தெரிகிறது. எனவே ஏபி ஸ்விட்சின் மூன்று பிளேடுகளையும் எடுப்பதற்கு முன் முறையாக திறக்கப்பட்டிருப்பதை உறுதி செய்ய வேண்டும். பிற உலோக பாகங்களையும் சரிபார்க்க வேண்டும்.
இவ்வாறு அதில் கூறப்பட்டுள்ளது.