ஜல்லிக்கட்டு அனுமதி கோரி நாளை திமுக ஆர்ப்பாட்டம்!

Must read

சென்னை,

ல்லிக்கட்டு போட்டி நடத்த அனுமதி கோரி நாளை (3ந்தேதி) மதுரை அலங்காநல்லூரில் திமுக சார்பாக ஆர்ப்பாட்டம் நடைபெறுகிறது.

ஏற்கனவே திமுக பொருளாளர் ஸ்டாலின், மதுரை அருகே ஜல்லிக்கட்டு போட்டிக்கு புகழ்பெற்ற இடமான அலங்காநல்லூரில் மத்திய மாநில அரசுகளை கண்டித்து ஆர்ப்பாட்டம் நடைபெற்றும் என்று அறிவித்திருந்தார்.

விலங்குகள் நல வாரியம் (பீட்டா) தொடர்ந்த வழக்கின் அடிப்படையில் ஜல்லிக்கட்டு போட்டி நடத்த உச்சநீதி மன்றம் தடை விதித்துள்ளது. ஆனால்,  மத்திய , மாநில அரசுகள் இந்த ஆண்டு ஜல்லிக்கட்டு போட்டி கண்டிப்பாக  நடைபெறும் என்று  கூறி வருகின்றனர்.

இன்னும் 14 நாட்களே உள்ள நிலையில் ஜல்லிக்கட்டு போட்டி நடப்பதற்கான எந்தவித சாத்தியக்கூறுகளும் தென்படவில்லை.

ஆகவே ஜல்லிக்கட்டு போட்டி நடத்த உடனடியாக நடவடிக்கை எடுக்க கோரிமதுரை மாவட்டம், அலங்காநல்லூரில் வருகிற நாளை காலை 10 மணியளவில் தி.மு.க.வின்  சார்பில் மாபெரும் கண்டன ஆர்ப்பாட்டம் நடைபெற இருக்கிறது.

கழக உடன்பிறப்புகளும் ஆர்ப்பாட்டத்தில் பெருந்திரளாக கலந்துகொண்டு பங்குபெற வேண்டுமென்று ஸ்டாலின் வேண்டுகோள் விடுத்துள்ளார்.

Support patrikai.com

பத்திரிக்கை டாட் காம் இணையதள செய்திகளை அதிகளவு விரும்பி படிப்பதற்கு நன்றி. சிறந்த முறையில் செய்திகளை தொடர்ந்து வழங்க பத்திரிக்கை டாட் காம் குழுவிற்கு உங்கள் நிதிப் பங்களிப்பை வழங்கி ஆதரவளிக்குமாறு கேட்டுக்கொள்கிறோம். தொடர்ந்து பல்வேறு கோணங்களில் செய்திகளை வழங்கவும், பதிவு செய்யப்படாத அரிய செய்திகளை ஆவணப்படுத்தவும் உங்கள் நன்கொடை உதவிகரமாக இருக்கும் என்பதில் எந்த ஒரு ஐயப்பாடும் இல்லை.

More articles

Latest article