சென்னை: திமுக கூட்டணி கட்சியின் நாமக்கல் தொகுதி வேட்பாளர் சூரிய மூர்த்தி மாற்றம் செய்யப்பட்டு உள்ளார். அவருக்கு பதிலாக வேறு வேட்பாளர் அறிவிக்கப்பட்டு உள்ளது.
நாடாளுமன்ற தேர்தலையொட்டி, திமுக மற்றும் கூட்டணி கட்சிகளின் வேட்பாளர்கள் அறிவிக்கப்பட்டு உள்ளது. இதில், திமுக கூட்டணியில் கொங்குநாடு மக்கள் கட்சிக்கு நாமக்கல் தொகுதி ஒதுக்கப்பட்டு உள்ளது. இந்த தொகுதியில், கொங்குநாடு மக்கள் கட்சி சார்பில் சூரியமூர்த்தி என்பவர் வேட்பாளராக அறிவிக்கப்பட்டார். இவர் திமுகவின் உதயசூரியன் சின்னத்தில் போட்டியிடுவதாக அறிவிக்கப்பட்டது.
சூரியமூர்த்தி ஜாதி வெறியராக அறியப்பட்டவர். அவர் வேட்பாளராக அறிவிக்கப்பட்ட உடனே அவர் முன்பு பேசிய பல வீடியோக்களை சமூக வலைதளங்களில் வைரலாகின. மேலும் இதுகுறித்து சமூக நீதி பேசும் திமுக என்ன சொல்கிறது என கேள்வி எழுப்பப்பட்டு வந்தது. இது சர்ச்சையை ஏற்படுத்தியது.
இந்த நிலையில், திமுகவுன் அறிவுறுத்தலின்பேரில் கொங்கு நாடு மக்கள் கட்சி வேட்பாளர் சூரிய மூர்த்தி நீக்கப்பட்டு அவரக்கு பதிலாக மாதேஷ்வரன் நாமக்கல் தொகுதி கொமதேக வேட்பாளராக அறிவிக்கப்பட்டுள்ளார்.