பஞ்சாப்:
பஞ்சாப் நகரத்தைச் சேர்ந்த 105 வயதான கர்தார் கவுர், தனது 80 வயதான மகன் மற்றும் குடும்ப உறுப்பினர்களுடன் கொரோனா தடுப்பூசி போட்டுக் கொண்டார்.
கொரோனா தடுப்பூசி போட்டு கொள்வதால் பக்க விளைவுகள் ஏற்பட்டு விடுமோ என்று பொதுமக்களில் சிலர் பயந்து கொண்டிருக்கும் நிலையில், அவர்களது பயங்களை போக்க 105 வயதான கர்தார் கவுர் முற்பட்டார்.
இதையடுத்து, தகுதியுள்ள அனைவரும் கொரோன தடுப்பூசி போட்டுக் கொள்ள வேண்டும் என்று கர்தார் கவுர் அறிவுறுத்தினார்.
கர்த்தர் கவுர் மோகா மாவட்டத்தில் உள்ள பிந்தர் குர்த் கிராமத்தைச் சேர்ந்தவர் என்றாலும், தற்போது அவர் தனது மகன் ஹர்பிந்தர் சிங்குடன் வசித்து வருகிறார்.
அவர், தனது குடும்பத்தினருடன், மூன்றாம் வார்டில் உள்ள ஒரு முகாமில் தடுப்பூசி போட்டார். இவர் தடுப்பூசி போட்டு கொள்ள தேவையான ஏற்பாடுகளை முன்னாள் கவுன்சிலர் மஞ்சித் சிங் மான் செய்திருந்தார். இந்த முகாமில் 188 பேர் தடுப்பூசி போடப்பட்டனர். தற்போது, மானின் மனைவி அமன்பிரீத் கவுர் வார்டின் கவுன்சிலராக உள்ளார்.
கர்த்தர் கவுரின் உற்சாகத்தை பாராட்டிய துணை கமிஷனர் சந்தீப் ஹான்ஸ் 45 வயதுக்கு மேற்பட்டவர்களிடம் அனைத்து பயங்களில் இருந்தும் விடுபட்டு தமக்கும் அவர்களது குடும்பத்தினருக்கும் தடுப்பூசி போடுமாறு வேண்டுகோள் விடுத்தார்.