டெல்லி: இந்திய விமானப்படையின் புதிய தளபதியாக ஏர்மார்ஷ்ல் வி.ஆர்.சவுத்திரி எனப்படும் விவேக்ராம் சவுத்திரி நியமிக்கப்பட்டு உள்ளார்.
இந்திய விமானப்படையின் (ஐஏஎஃப்) தளபதியாக தற்போது ஆர்.கே.எஸ். பதாரியா இருந்து வருகிறார். இவர் வருகிற 30-ந் தேதியுடன் பணி ஓய்வு பெறுகிறார். இதையடுத்து, சீனியாரிட்டி கோட்பாட்டின்படி, தற்போது துணைதளபதியாக இருக்கும் விவேக்ராம் சவுத்ரியை புதிய விமானப்படை தளபதியாக நியமித்து உள்ளதாக மத்தியபாதுகாப்பு துறை அறிவிப்பு வெளியிட்டுள்ளது.
அனுபவமிக்க விமானியான சவுத்திரி மிக் -21, மிக் -29 மற்றும் சுகோய் -30 போன்ற பல்வேறு போர் விமானங்களில் 3,800 மணி நேரத்திற்கும் மேலாக பறந்துள்ளார். 1982 ம் ஆண்டு டிசம்பர் மாதம் விமானப்படையின் போர் ஸ்ட்ரீமில் நியமிக்கப்பட்டார். பாகிஸ்தானுடனான 1999 கார்கில் போரின்போது அவர் வான் பாதுகாப்புப் பணிகளையும் மேற்கொண்டார். IAF தனது புதிய ரஃபேல் போர் விமானங்களை அம்பாலாவில் அறிமுகப்படுத்திய நேரத்தில் அவர் WAC க்கு கட்டளையிட்டார், மேலும் லடாக் செக்டாரில் சீனாவுடனான எல்லைப் பிரச்சனையின் மத்தியில் அவற்றை விரைவாகச் செயல்படுத்துவது முதன்மையானதாக இருந்தது.