லாஸ்ஏஞ்சலிஸ்: ஹாலிவுட்டின் பெரும் புகழ்பெற்ற அமெரிக்க நடிகர் சாமுவேல் எல் ஜாக்சன், பாகுபலி – 3 படத்தில் நடிப்பதற்கு விருப்பம் தெரிவித்துள்ளார்.
Avengers, Pulp Fiction, Django Unchained மற்றும் Captain Marvel போன்றவை உள்ளிட்ட பல்வேறான புழ்பெற்ற படங்களில் நடித்தவர் சாமுவேல் எல் ஜாக்சன்.
சமீபத்திய ஒரு நேர்காணலில், ‘நீங்கள் இந்தியாவிற்கு செல்ல வாய்ப்பிருக்கிறதா?’ என்று கேட்கப்பட்டபோது, ‘பாலிவுட் படத்தில் நடிப்பதற்கு வாய்ப்புக் கொடுத்தால், நான் செல்வேன்’ என்று பதிலளித்தார்.
மேலும், ‘நீங்கள் நடிக்க விரும்பும் படம் எதுவாக இருக்கும்?’ என்று கேட்கப்பட்டதற்கு, ‘பாகுபலி – 3’ என்று பதிலளித்தார்.
மேலும் கூறிய அவர், ‘நான் ஆடுவதுமில்லை, பாடுவதுமில்லை. ஆனால், அப்படி செய்வதுபோன்று நடிக்க முடியும்!’ என்று கூறியுள்ளார்.
புகழ்பெற்ற ஒரு ஹாலிவுட் நடிகர் இப்படி கூறியிருப்பது பலரின் புருவங்களை உயரச் செய்துள்ளது.
– மதுரை மாயாண்டி