சென்னை
மறைந்த நடராஜனுக்கு நாஞ்சில் சம்பத் இரங்கல் தெரிவித்துள்ளார்.
சென்னையில் உடல்நலக் குறைவால் மரணம் அடைந்த நடராஜனுக்கு இரங்கல் செய்திகள் மூலமும் நேரிலும் பலர் அஞ்சலி செலுத்தி வருகின்றனர். அவ்வகையில் சமீபத்தில் நடராஜனின் உறவினர் தினகரன் கட்சியில் இருந்து விலகிய நாஞ்சில் சம்பத் டிவிட்டரில் தனது இரங்கல் செய்தியை வெளியிட்டுள்ளார்.
நாஞ்சில் சம்பத், “இனத்திற்கும் மொழிக்கும் கையெழுத்தாகி காலமெல்லாம் காவியம் செய்தவர் அண்ணன் ம. நடராஜன். தமிழீழக் கொள்கையை சர்வதேச அரங்கிற்கு எடுத்துச் சென்ற சகலகலாவல்லவன் நடராஜன். ஒன்றரைக் கோடி தொண்டர்களைக் கொண்ட மாபெரும் இயக்கத்தின் உந்துவிசையாக இருந்தவர். நாலாவது தமிழீழ போரில் மடிந்த மாவீரர்களுக்கு முள்ளிவாய்க்கால் முற்றம் கண்ட ராஜராஜசோழன் காலமாகிவிட்டார். அவரை இழந்துத் தவிக்கிற எங்கள் சின்னம்மாவுக்கும் அவரது குடும்பத்திற்கும் கண்ணீர் அஞ்சலியை காணிக்கையாக்குகிறேன்” என தனது டிவிட்டர் பக்கத்தில் பதிந்துள்ளார்.