கொல்கத்தா: நாடே எதிர்பார்க்கும் மேற்குவங்க சட்டமன்ற தேர்தலின் 2வது கட்ட வாக்குப்பதிவு இன்று காலை தொடங்கியது.. இதையொட்டி, வாக்குப்பதிவு நடைபெறும் பகுதிகளில் வரலாறு காணாத பாதுகாப்பு குவிக்கப்பட்டுள்ளது.
294 தொகுதிகளைக்கொண்ட மேற்கு வங்க மாநிலத்தில் ஏப்ரல் 23 மற்றும் ஏப்ரல் 29ஆம் தேதி என 2 கட்டங்களாக தேர்தல் நடைபெறுகிறது. ஏற்கனவே முதல் கட்டமாக 52 தொகுதிகளுக்கு ஏப்ரல் 23 அன்று தேர்தல் நடைபெற்றது. இதையடுத்து, 2வது கட்டமாக 142 தொகுதிகளுக்கு இன்று (ஏப்ரல் 29ந்தேதி) வாக்குப்பதிவு நடைபெறுகிறது
வாக்குப்பதிவு நாளை காலை 7 மணிக்கு தொடங்கி மாலை 6மணி வரை நடைபெறுகிறது. இந்த இரு கட்டங்களாக நடைபெறும் வாக்குப்பதிவுகள் மே 4ந்தேதி எண்ணப்படுகிறது.
இரண்டாவது மற்றும் இறுதி கட்ட வாக்குப்பதிவு நடைபெறும் 142 சட்டமன்றத் தொகுதிகள், மேற்கு வங்கத்தின் ஏழு மாவட்டங்களை உள்ளடக்கிய நாற்பதாயிரத்திற்கும் மேற்பட்ட வாக்குச்சாவடிகளில், சட்டமன்றத் தேர்தலின் இரண்டாம் கட்ட வாக்குப்பதிவு தொடங்கவுள்ளது. முக்கியமாக வடக்கு 24 பர்கானாஸ் பகுதிகள், தெற்கு 24 பர்கானாஸ், ஹவுரா, ஹூக்லி மற்றும் பூர்பா பர்தாமான் பகுதிகளில் வாக்குப்பதிவு நடைபெறுகிறது.
இத்தேர்தலில் மொத்தம் 1448 வேட்பாளர்கள் களத்தில் உள்ளனர்; இவர்களில் 220 பேர் பெண் வேட்பாளர்கள் ஆவர். அனைத்து வாக்குச்சாவடிகளிலும் இணையவழி நேரலை (Webcasting) வசதி ஏற்படுத்தப்பட்டுள்ளது. மேலும் பலத்த பாதுகாப்பு போடப்பட்டுள்ளது.
சுதந்திரமான, நியாயமான மற்றும் அமைதியான முறையில் வாக்குப்பதிவு நடைபெறுவதை உறுதிசெய்யத் தேர்தல் ஆணையம் அனைத்து நடவடிக்கைகளையும் மேற்கொண்டுள்ளது.
வாக்குச்சாவடிகளை ஆக்கிரமிப்பதோ அல்லது வாக்குப்பதிவு நடைமுறையில் இடையூறு ஏற்படுத்துவதோ கூடாது என்ற இந்தியத் தேர்தல் ஆணையத்தின் முந்தைய உத்தரவைப் பின்பற்றி, பலத்த பாதுகாப்பு ஏற்பாடுகள் செய்யப்பட்டுள்ளன.
வாக்காளர்களின் நம்பிக்கையை வலுப்படுத்தும் வகையில், பாதுகாப்புப் படையினர் முக்கியப் பாதைகளில் அணிவகுப்பு ஊர்வலங்களையும், அப்பகுதிகளில் முழுமையான பாதுகாப்பு ஆதிக்க நடவடிக்கைகளையும் மேற்கொண்டு வருகின்றனர்.
முதல் கட்ட வாக்குப்பதிவில் 93 சதவீதத்திற்கும் அதிகமான வாக்குகள் பதிவாகின. முதல் கட்டத்தில் காணப்பட்ட அதே ஆர்வத்தைத் தொடர்ந்து, நாளை நடைபெறும் வாக்குப்பதிவிலும் அதிக அளவிலான வாக்காளர்கள் பங்கேற்பதை உறுதிசெய்யத் தேர்தல் ஆணையம் களத்தில் அனைத்து நடவடிக்கைகளையும் மேற்கொண்டுள்ளது.
[youtube-feed feed=1]