சென்னை: செல்வப்பெருந்தகை வீட்டில் ஐடி ரெய்டு நடத்தப்படுவது, தோல்வி பயத்தில் பா.ஜ.க. அரசு செய்துகொண்டிருக்கும் அட்டூழியம் என முதலமைச்சர் மு.க.ஸ்டாலின் கண்டனம் தெரிவித்துள்ளார்.
தமிழ்நாடு காங்கிரஸ் கமிட்டி தலைவர் செல்வப்பெருந்தகை வீட்டில் வருமான வரித்துறையினர் சோதனையில் ஈடுபட்டு வருகின்றனர். மேலும் சென்னையி பலரது வீடுகளிலும் சோதனை நடைபெற்று வருகிறது. வாக்காளர்களுக்கு பணப்பட்டுவாடா நடைபெறுவதாக எழுந்த புகாரின் பேரில் இந்த சோதனை நடைபெறுவதாக கூறங்பபடுகிறது. இதற்கு முதலமைச்சர் மு.க.ஸ்டாலின் கண்டனம் தெரிவித்துள்ளார்.
இதுதொடர்பாக மு.க.ஸ்டாலின் எக்ஸ் தள பக்கத்தில் வெளியிட்டுள்ள பதிவில், தமிழ்நாடு காங்கிரஸ் கமிட்டித் தலைவர் சகோதரர் செல்வப்பெருந்தகை அவர்களது பரப்புரையை முடக்க நினைக்கும் சதிக்குக் கடும் கண்டனம்! இந்தியா ஒரு ஜனநாயக நாடு என்பதை மறந்து, தேர்தல் பிரசாரம் முடிவடைய இன்னும் 48 மணிநேரம் கூட இல்லாத நிலையில், எதிர்க்கட்சியினரை முடக்க, தோல்வி பயத்தில் ஒன்றிய பா.ஜ.க. அரசு செய்துகொண்டிருக்கும் அட்டூழியத்திற்குத் தமிழ்நாட்டு மக்கள் தக்க பதிலடி கொடுப்பார்கள் என்றுகூறியுள்ளார்.
[youtube-feed feed=1]