சென்னை: முன்னாள் அதிமுக அமைச்சர் வைத்திலிங்கம் இன்று காலை தனது எம்எல்ஏ பதவியை ராஜினாமா செய்த நிலையில், முதல்வர் ஸ்டாலின் முன்னிலையில் இன்று திமுகவில் இணைந்தார்.
முன்னாள் அதிமுக அமைச்சரும், ஓபிஎஸ் ஆதரவாளரான வைத்திலிங்கம் இன்று காலை திமுக தலைமையகமான அண்ணா அறிவாலயம் சென்று, அங்கு திமுக தலைவரும், முதலமைச்சருமான மு.க.ஸ்டாலின் முன்னிலையில் திமுகவில் இணைந்தார். ஏற்கனவே அதிமுகவை சேர்ந்த பலர் மற்றும் ஓபிஎஸ் ஆதரவாளர்களான ஓபிஎஸ் ஆதரவாளர்களான மனோஜ் பாண்டியன், மருது அழகுராஜ், முன்னாள் எம்எல்ஏ சுப்புரத்தினம் ஆகியோர் திமுகவில் இணைந்த நிலையில், இன்று வைத்திலிங்கம் தனது மகன் மற்றும் ஆதரவார்களுடன் திமுகவில் இணைந்தார்.
அதிமுகவில் இருந்து விலகிய செங்கோட்டையன் விஜய்யின் தவெகவில் இணைந்தது குறிப்பிடத்தக்கது.
வைத்திலிங்கம் தஞ்சை ஒரத்தநாடு தொகுதி எம்எல்ஏயாக இருநது வந்தவர். இன்று திமுகவில் இணைவதை முன்னிட்டு, காலையிலேயே சபாநாயகர் அப்பாவுவிடம் தனது எம்எல்ஏ பதவியை ராஜினாமா செய்து கடிதம் வழங்கினார். இதை தொடர்ந்து இவர் சென்னை அண்ணா அறிவாலயத்தில் முதல்வர் மு.க. ஸ்டாலின் முன்னிலையில் திமுகவில் இணைந்தார். வைத்திலிங்கத்துடன் அவரது மகன் பிரபுவும் திமுகவில் இணைந்துள்ளார்
. கட்சித் தாவல் தடைச் சட்டத்தின்படி, பதவியில் இருக்கும்போது வேறு ஒரு கட்சியில் இணையக்கூடாது என்பதால், வைத்திலிங்கம் தனது பதவியை ராஜிநாமா செய்துள்ளார். வைத்திலிங்கம் இதுவரை 4 முறை ஒரத்தநாடு தொகுதி எம்எல்ஏவாக இருந்தவர், முன்னாள் அமைச்சராகவும் இருந்துள்ளார்.
[youtube-feed feed=1]எம்.எல்.ஏ. பதவியை ராஜினாமா செய்தார் ஓபிஎஸ் ஆதரவாளர் வைத்திலிங்கம்