சென்னை: சென்னை மக்களின் பெரும் வரவேற்பை பெற்றுள்ள சென்னை மெட்ரோ ரயில், பயணிகளின் வசதிக்காக, தற்போது UBER செயலியில் மெட்ரோ டிக்கெட் எடுக்கும் வசதியை அறிமுகப்படுத்தி உள்ளது.
மெட்ரோ ரயில் பயணிகளுக்கு பல்வேறு வசதிகளை ஏற்படுத்தி வரும் மெட்ரோ ரயில் நிர்வாகம், சமீபத்தில், ரயில், பேருந்து என அனைத்திலும் செல்லும் வகையிலான சிங்கா சென்னை கார்டை அறிமுகப்படுத்தியது. ஏற்கனவே மெட்ரோ ரயில் பயணத்துக்கான ஆன்லைன் டிக்கெட், அப் மூலம் டிக்கென் பல வசதிகளை அறிமுகப்படுத்தி உள்ளத நிலையில், தற்போது ஊபர் ஆப் மூலம் டிக்கெட் எடுக்கும் வசதியை தொடங்கி உள்ளது.
சென்னை மெட்ரோ ரயில் லிமிடெட் (CMRL) உடன் இணைந்து ஓபன் நெட்வொர்க் ஃபார் டிஜிட்டல் காமர்ஸ் (ONDC) நிறுவனமானது, அதன் ஊபர் செயலியின் மூலமாக சென்னை மெட்ரோ ரயில் பயண டிக்கெட்டுகளை பெறுவதை அறிமுகப்படுத்துவதாக ஊபர் அறிவித்துள்ளது.
அதன்படி, இன்று முதல், சென்னையில் உள்ள ஊபர் பயனர்கள் தங்கள் மெட்ரோ பயணங்களைத் திட்டமிடலாம், QR- அடிப்படையிலான டிக்கெட்டுகளை வாங்கலாம் மற்றும் நிகழ்நேர போக்குவரத்துத் தகவல்களை பெற முடியும் என இதற்கான வசதிகளை ஊபர் செயலி அறிவித்துள்ளது. இந்த செயல்பாடு ONDC இன் இயங்கக்கூடிய நெட்வொர்க் மூலம் செயல்படுத்தப்பட்டுள்ளது. இது ஊபரைப் பொதுப் போக்குவரத்து உள்கட்டமைப்புடன் இணைக்கிறது.
அதோடு, சென்னையில் உள்ள பயணிகள் ஆகஸ்ட் மாதம் முழுவதும் மெட்ரோ டிக்கெட்டுகளில் 50% தள்ளுபடியைப் பெற முடியும். கூடுதலாக, இணைக்கப் பட்ட பயணத்தை எளிதாக்குவதற்காக, சென்னையில் உள்ள மெட்ரோ நிலையங்களில் தொடங்கும் அல்லது முடிக்கும் சவாரிகளுக்கு ஊபர் ஆட்டோ மற்றும் உபர் மோட்டோ இரண்டிலும் ரூ.20 வரை 50% தள்ளுபடியை ஊபர் வழங்குகிறது. இந்த சலுகை ஆகஸ்ட் மாதம் முழுவதும் செல்லுபடியாகும்.
இந்த ஒருங்கிணைப்பு, சென்னைக்கான ஊபரின் விரிவாக்கத் திட்டங்களின் ஒரு பகுதியாகும். நகரத்தில் ஊபரின் சிறப்புமிக்க செயல்பாடுகளுக்கு ஒரு சான்றாகும். இந்த ஆண்டின் தொடக்கத்தில் டெல்லிக்குப் பிறகு, ஊபர் செயலி மூலம் மெட்ரோ டிக்கெட் பெறும் இந்தியாவின் இரண்டாவது நகரம் சென்னை மட்டுமே.
இவ்வாறு தெரிவிக்கப்பட்டுள்ளது.
