இன்று சி பி எஸ் இ 10 மற்றும் 12 ஆம் வகுப்புத் தேர்வுகள் தொடக்கம்

சென்னை

இன்று சி பி எஸ் இ 10 மற்றும் 12 ஆம் வகுப்பு பொதுத் தேர்வுகள் தொடங்குகின்றன.

இன்று  நாடு முழுவதும் மத்திய இடைநிலை கல்வி வாரியத்தின் (சி.பி.எஸ்.இ) 10-ம் வகுப்பு,மற்றும் 12 ஆம் வகுப்பு பொதுத்தேர்வுகள் தொடங்குகின்றன.  இந்தத் தேர்வை இந்தியா உள்பட பல்வேறு நாடுகளில் 39 லட்சத்துக்கும் அதிகமான மாணவர்கள் எழுதுகின்றனர். பொதுத்தேர்வு எழுதும் மாணவர்கள், காலை 10 மணிக்கு முன்பே தேர்வு மையங்களுக்கு வர வேண்டும் என்று சி.பி.எஸ்.இ. அறிவுறுத்தி உள்ளது.

நேற்று சி.பி.எஸ்.இ. வெளியிட்ட செய்திக்குறிப்பில்,

”இன்று முதல் வரும் ஏப்ரல் 2 ஆம் தேதி வரை சி.பி.எஸ்.இ. 10-ம் வகுப்பு மற்றும் 12 ஆம் வகுப்பு பொதுத்தேர்வுகள் நடைபெறுகின்றன.. தேர்வுகள் காலை 10.30 மணிக்குத் தொடங்கும். தேர்வுக்குத் தயாராகும் மாணவர்கள், தேர்வு மையங்களுக்கு காலை 10 மணிக்கு முன்பே வர வேண்டும் 

பெற்றோர்களுக்கும், மாணவர்களுக்கும் அனைத்து பள்ளிகளும் வழிகாட்டுதல்கள் வழங்க வேண்டும். தேர்வு மையத்திற்குக் காலை 10 மணிக்குள் வருகை தரும் மாணவர்கள் மட்டுமே தேர்வு எழுத அனுமதிக்கப்படுவார்கள். பிறகு எந்த மாணவர்களும் அனுமதிக்கப்பட மாட்டார்கள்.” 

என்று கூறப்பட்டுள்ளது.