குற்றாலம்
தொடர் கன மழை காரணமாகக் குற்றால அருவிகளில் குளிக்கத் தடை விதிக்கப்பட்டுள்ளது.
குற்றாலத்தில் தற்போது அனைத்து அருவிகளிலும் தண்ணீர் கொட்டுகிறது. மெயின் அருவி, ஐந்தருவி, பழைய குற்றாலம் உள்ளிட்ட அனைத்து அருவிகளிலும் தண்ணீர் ஆர்ப்பரித்துக் கொட்டுகிறது.
பொதுவாக அருவியில் தண்ணீர் வரத்துச் சீராக இருக்கும்போது, சுற்றுலாப்பயணிகளுக்குக் குளிக்க அனுமதி அளிக்கப்பட்டு வருகிறது.
கடந்த சில நாட்களாக மேற்குத் தொடர்ச்சி மலைப் பகுதிகளில் பெய்து வரும் தொடர் கனமழை காரணமாகக் குற்றால அருவிகளில் வெள்ளப்பெருக்கு ஏற்பட்டுள்ளது. இதனால் சுற்றுலாப் பயணிகளின் பாதுகாப்பு கருதி அருவிகளில் குளிப்பதற்கு காவல்துறையினர் தடை விதித்தனர்.
ஞாயிற்றுக்கிழமையான இன்று விடுமுறை தினம் என்பதால், குற்றாலம் வந்த சுற்றுலாப் பயணிகளும், ஐயப்ப பக்தர்களும் கடும் ஏமாற்றம் அடைந்துள்ளனர்.