தென்னாப்பிரிக்கா:
உலகக்கோப்பை மகளிர் டி20 கிரிக்கெட் தொடரில் இன்று நடைபெறவுள்ள முதல் அரையிறுதிப் போட்டியில் இந்திய அணி ஆஸ்திரேலியாவை எதிர்கொள்கிறது.
உலகக்கோப்பை மகளிர் டி20 கிரிக்கெட் போட்டித் தொடர் தென்னாப்பிரிக்காவில் நடைபெற்று வருகிறது. இதில் பங்கேற்ற 10 அணிகள் 2 பிரிவுகளாக பிரிக்கப்பட்டு போட்டிகள் நடத்தப்பட்டன.
லீக் சுற்றின் முடிவில் குரூப் ஏ –யில் தென்னாப்பிரிக்காவும், ஆஸ்திரேலியாவும் அரையிறுதிக்கு முன்னேறின. குரூப் பி-யில் இந்தியாவும், இங்கிலாந்து அரையிறுதிக்கு தகுதி பெற்றுள்ளன.
இந்நிலையில் முதல் அரையிறுதிப் போட்டி கேப்டவுன் நகரில் நாளை நடைபெறுகிறது. இந்திய நேரப்படி மதியம் 3மணிக்கும், தென்னாப்பிரிக்க நேரப்படி இந்த போட்டி மாலை 6.30-க்கும் தொடங்குகின்றன. லீக் சுற்றில் விளையாடிய 4 போட்டிகளிலும் வெற்றி பெற்று வலுவான நிலையில் ஆஸ்திரேலியா உள்ளது. இந்திய அணி லீக் சுற்றில் இங்கிலாந்திடம் தோல்வி அடைந்திருந்தது.
இன்று நடைபெறவுள்ள அரையிறுதியில் இந்திய அணி வெற்றி பெற்று இறுதிப்போட்டிக்குள் நுழையுமா என்ற எதிர்பார்ப்பு ரசிகர்கள் மத்தியில் காணப்படுகிறது.