‘பிசாசு 2’ படத்தின் டீசர் வெளியாகி உள்ளது.
கடந்த 2014-ஆம் ஆண்டு வெளியாகி வரவேற்பைப் பெற்ற ‘பிசாசு ’ படத்தின் அடுத்தபாகமான ‘பிசாசு 2’ படத்தை இயக்கி முடித்துள்ளார் இயக்குநர் மிஷ்கின்.
ஆண்ட்ரியா, விஜய் சேதுபதி, பூர்ணா உள்ளிட்டோர் நடித்துள்ளனர். திகில் கதையான ‘பிசாசு 2’ படப்படிப்பு திண்டுக்கல், பவானிசாகர் பகுதிகளில் நடைபெற்றது. இசை கார்த்திக் ராஜா.
வரும் மே மாதம் படம் வெளியாகிறது.
இந்த நிலையில், ‘பிசாசு 2’ படத்தின் டீசர் வெளியாகி உள்ளது.
முழு நிர்வாண பெண்ணின் ஓவியம் சுவற்றில் தொங்கும் காட்சியுடன் டீசர் துவங்குகிறது. இருட்டில் தனியாக ஊஞ்சலில் ஆடும் ஆண்ட்ரியா, உருகும் மெழுகுவர்த்தி, மேகங்கள் கலையும் நிலா என ஒவ்வொரு காட்சியும் நடுநடுங்க வைக்கிறது.
தனது இசையாலேயே குரல் கொடுத்து ‘பிசாசு 2’ன் டீசரில் தனது பங்குக்கும் மிரட்டி இருக்கிறார் கர்த்திக் ராஜா.
பெண்ணின் நிர்வாண ஓவியம், ஆண்ட்ரியா ஒருவனை வெறிகொண்டு வெட்டுவது போன்றவை பாலியல் வன்புணர்வால் பாதிக்கப்பட்டு பழிவாங்கும் பேய் கதையாக இருக்குமோ என்ற யூகத்தையும் ஏற்படுத்தி உள்ளது.
விஜய் சேதுபதி சிறப்புத் தோற்றத்தில் வந்து கவனம் ஈர்க்கிறார். டீசரே இப்படி என்றால் மெய்ன் பிக்சர் எப்படி மிரட்டுமோ என்ற எதிர்பார்ப்பைத் தூண்டியுள்ளது.