தாமரை சின்னத்துடன் ஓட்டுப்போட்ட வானதி…. தகுதி நீக்கம் செய்ய காங்கிரஸ் வேட்பாளர் கோரிக்கை…

சென்னை: கோவை தெற்கு தொகுதியில் போட்டியிடும் பாஜக வேட்பாளர் வானதி சீனிவாசன் தாமரை சின்னத்துடன் வாக்களித்த விவகாரம் சர்ச்சையை ஏற்படுத்தி உள்ளது. அதனால், வானதி சீனிவாசனை தகுதி நீக்கம் செய்ய வேண்டும் என காங்கிரஸ் வேட்பாளர் தேர்தல் ஆணையத்திடம் கோரிக்கை வைத்துள்ளார்.

கோவை தெற்கு தொகுதியில் அதிமுக கூட்டணி சார்பில் பாஜக வேட்பாளர் வானதி சீனிவாசன் போட்டியிடுகிறார். திமுக கூட்டணி சார்பில் காங்கிரஸ் வேட்பாளர் மயூரா ஜெயக்குமார் போட்டியிடுகிறார். மக்கள் நீதி மய்யம் சார்பில் கமல்ஹாசன் போட்டியிடுகிறார். இங்கு மும்முனை போட்டி நிலவுகிறது.

வானதி சீனிவாசன் அங்குள்ள டாடாபாத் பகுதியில் உள்ள காமராசர் மெட்ரிகுலேசன் பள்ளியில் வரிசையில் நின்று வாக்களித்தார். பின்னர் செய்தியாளர்களிடம் பேசிய அவர், கோவை தெற்கு தொகுதியில் தாமரை மலரும் என்பதில் எந்த சந்தேகமும் இல்லை என்றார்.

இந்த நிலையில், வானதி சீனிவாசன் தாமரை சின்னம் பொறிக்கப்பட்ட உடையுடன் வாக்களித்த விவகாரம் சர்ச்சையை ஏற்படுத்தி உள்ளது. அதனால், தேர்தல் விதியை மீறிய வானதி சீனிவாசனை தகுதி நீக்கம் செய்ய வேண்டும் என காங்கிரஸ் வேட்பாளர் மயூரா ஜெயக்குமார் தேர்தல் ஆணையத்திடம் கோரிக்கை வைத்துள்ளார்.

ஏற்கனவே கடந்த 2014ம் ஆண்டு தேர்தலின்போது, பிரதமர் மோடி, வாக்களித்துவிட்டு, தாமரை சின்னத்தை காட்டியதால், அவர்மீது வழக்கு பதியப்பட்டது. அதுபோல வானதி மீது வழக்கு பதிவு செய்ய வேண்டும் என வலியுறுத்தப்பட்டு வருகிறது.

தாமரை சின்னத்துடன் ஓட்டுப்போட்ட வானதி…. தகுதி நீக்கம் செய்ய காங்கிரஸ் வேட்பாளர் கோரிக்கை…

Related Post

வரும் 28 ஆம் தேதி தமிழகம் திரும்பும் அண்ணாமலை

பலர் திமுக வை அழிக்க கிளம்பி உள்ளனர் : துணை முதல்வர் உதயநிதி

முன்னாள் முதல்வருக்கு ரூ. 1.10 கோடி நஷ்ட ஈடு : உயர்நீதிமன்றம் உத்தரவு

சென்னை கிரான்ட் மாஸ்டர்ஸ் செஸ்: தமிழ்நாடு வீரர் பிரணவ் முதலிடம்…

அமெரிக்க தேர்தலில் வெற்றி பெற்ற இந்திய வம்சாவளியினர் யார் யார்?

‘மக்கள் அளித்த தீர்ப்பை ஏற்கிறேன்’! யுஎஸ் அதிபர் தேர்தலில் தோல்வியுற்ற கமலா ஹாரிஸ்

அமெரிக்க அதிபர் டிரம்ப் பெயரில் இஸ்ரேலில் ஒயின் அறிமுகம்