டெல்லி: விரும்பாத கர்ப்பத்தைச் சுமக்க எவரையும் கட்டாயப்படுத்த முடியாது என கூறிய உச்சநீதிமன்றம் சிறுமியின் கருக்கலைப்புக்கு அனுமதி வழங்கி உள்ளது.
15வது பெண்ணின் விரும்பாத கர்ப்பத்தைச் சுமக்க கட்டாயப்படுத்த முடியாது என்றும், கருவின் நலனை விடப் பெண்ணின் உடல் மற்றும் மனநல உரிமையே மேலானது என்றும் உச்ச நீதிமன்றம் தீர்ப்பளித்துள்ளது. அதன்படி, 15 வயது சிறுமி ஒருவர் தனது ஏழு மாத கர்ப்பத்தைக் கலைத்துக்கொள்ள உச்ச நீதிமன்றம் வெள்ளிக்கிழமை அனுமதி அளித்துள்ளது.
மேலும், குழந்தை பிறந்த பிறகு தத்தெடுப்பிற்காக அது வழங்கப்படலாம் என்ற காரணத்தைக் காட்டி, விரும்பாத கர்ப்பத்தைத் தொடருமாறு எந்தப் பெண்ணையும் கட்டாயப்படுத்த முடியாது என்றும் நீதிமன்றம் குறிப்பிட்டது.
மருத்துவ ரீதியாகக் கர்ப்பத்தைக் கலைப்பதற்கான சட்டத்தில் நிர்ணயிக்கப்பட்டுள்ள கால வரம்பை, அச்சிறுமியின் கர்ப்பம் கடந்து விட்டதால், தனது மகளின் கர்ப்பத்தை மருத்துவ ரீதியாகக் கலைத்துக்கொள்ள அனுமதி கோரி அச்சிறுமியின் தாய் நீதிமன்றத்தை அணுகியிருந்தார்.
இந்த வழக்கை விசாரித்த நீதிபதிகள் பி.வி. நாகரத்னா மற்றும் உஜ்ஜல் புயான் அமர்வு, இது போன்ற சூழல்களில், பிறக்காத கருவின் நலனை விட அப்பெண்ணின் நலனே முன்னுரிமை பெறும் என்று கூறியது. “இங்கு முக்கியமானது, பிறக்கப்போகும் குழந்தையின் விருப்பத்தை விட, கர்ப்பிணிப் பெண்ணின் விருப்பமே ஆகும்,” என்று அந்த அமர்வு குறிப்பிட்டது.
கர்ப்பம் முற்றிய நிலையில் இருப்பதால், அச்சிறுமியின் உயிருக்கும், கருவின் உயிருக்கும் ஆபத்து இருப்பதாக மருத்துவ அறிக்கை சுட்டிக்காட்டு வதாக சொலிசிட்டர் ஜெனரல் துஷார் மேத்தா கூறியதுடன்,
அச்சிறுமி மற்றும் அவளது குடும்பத்தினரின் தனிப்பட்ட உரிமைகளைப் பாதுகாக்கும் வகையில், மத்திய தத்தெடுப்பு வள ஆணையத்தின் (Central Adoption Resource Authority) வாயிலாகக் குழந்தையைத் தத்தெடுப்பிற்காக வழங்குவதே சிறந்தது என்று மேத்தா கூறினார்.
இதையடுத்து கருத்து தெரிவித்த நீதிபதிகள், “கர்ப்பிணிப் பெண்ணுக்குக் குழந்தையை வளர்ப்பதில் விருப்பம் இல்லையென்றால், அவள் குழந்தையைத் தத்தெடுப்பிற்காக வழங்கி விடலாம்; எனவே அவள் குழந்தையைப் பெற்றெடுக்க வேண்டும் என்று கூறுவது எளிது. ஆனால், குறிப்பாகப் பிறக்கப்போகும் குழந்தை விரும்பப்படாத சூழல்களில், அத்தகைய வாதம் ஒரு கருத்தாக ஏற்றுக்கொள்ளப்பட முடியாது.
இத்தகைய சூழ்நிலையில், கர்ப்பிணிப் பெண்ணின் விருப்பத்திற்கு மாறாகக் குழந்தையைப் பெற்றெடுக்குமாறு அவளைப் பணிப்பதும், அதன் மூலம் அவள் கர்ப்பத்தைத் தொடருமாறு கட்டாயப்படுத்துவதும், அப்பெண்ணின் நலனைப் புறக்கணிப்பதாகவும், இன்னும் பிறக்காத குழந்தைக்கு அவளது நலனை அடிமைப்படுத்துவதாகவும் அமையும்.”
“ஒருவரின் உடல் சார்ந்த முடிவுகளை எடுப்பதற்கான உரிமை—குறிப்பாக இனப்பெருக்கம் சார்ந்த விஷயங்களில் அரசியலமைப்பின் 21-வது பிரிவின் கீழ் வழங்கப்படும் தனிப்பட்ட சுதந்திரம் மற்றும் தனிப்பட்ட உரிமையின் ஒரு ஒருங்கிணைந்த அங்கமாகும். நியாயமற்ற கட்டுப்பாடுகளை விதிப்பதன் மூலம், குறிப்பாகச் சிறார்கள் மற்றும் விரும்பப்படாத கர்ப்பங்கள் தொடர்பான இத்தகைய வழக்குகளில், அந்த உரிமையைச் செல்லாததாக்கிவிட முடியாது.”
அச்சிறுமியைத் தொடர்ந்து கர்ப்பத்தைத் தாங்கி, குழந்தையைப் பெற்றெடுக்குமாறு கட்டாயப்படுத்தினால், “அதன் விளைவுகள் பாதகமாகவே அமையும்” என்று நீதிமன்றம் குறிப்பிட்டது.
“விரும்பப்படாத கர்ப்பமும், கர்ப்பிணிப் பெண்ணின் மனநிலையும், பிறக்கப்போகும் குழந்தையின் மீதும் தாக்கத்தை ஏற்படுத்தும்,” என்று அந்த அமர்வு தெரிவித்தது. “ஒரு கர்ப்பிணிப் பெண்ணை அந்தக் கர்ப்பத்தைத் தொடருமாறு கட்டாயப்படுத்துவதற்குப் பதிலாக, கர்ப்பத்தைத் தொடராமல், அதனோடு தொடர்புடைய அனைத்து மருத்துவ அபாயங்களையும் ஏற்றுக்கொண்டு கர்ப்பத்தைக் கலைக்க அவர் எடுக்கும் முடிவை மதிக்க வேண்டும்,” என்று அது மேலும் குறிப்பிட்டது.
அந்தப் பெண் கர்ப்பத்தின் காரணமாக உளவியல் ரீதியான அதிர்ச்சிக்கு ஆளாகியிருப்பதாகவும், அக் கர்ப்பத்தைத் தொடர அவர் விரும்ப வில்லை என்றும் உச்ச நீதிமன்ற அமர்வு குறிப்பிட்டது. அக் கர்ப்பத்தைத் தொடருமாறு அவரை வற்புறுத்துவது, அவரது மனநலம் மற்றும் கல்வி வாய்ப்புகள் உள்ளிட்ட ஒட்டுமொத்த வளர்ச்சி மீதும் நீண்டகாலத் தாக்கத்தை ஏற்படுத்தக்கூடும் என்று அந்த அமர்வு தெரிவித்தது.
மருத்துவ ரீதியாகக் கர்ப்பத்தைக் கலைப்பதற்கான கோரிக்கையை அனுமதித்த அந்த அமர்வு, “எந்தவொரு நீதிமன்றமும், எந்தவொரு பெண்ணையும் றிப்பாக ஒரு சிறார் பெண்ணையும் வரது வெளிப்படையான விருப்பத்திற்கு மாறாக, கர்ப்பத்தை முழுமையாகச் சுமக்கக் கட்டாயப்படுத்தக்கூடாது. இத்தகைய கட்டாயம், அவரது முடிவெடுக்கும் சுதந்திரத்தைப் புறக்கணிப்பது மட்டுமல்லாமல், ஒருவேளை அவர் குழந்தையைப் பெற்றெடுக்கக் கட்டாயப்படுத்தப்பட்டால், அவருக்குக் கடுமையான மனரீதியான, உணர்வுரீதியான மற்றும் உடல்ரீதியான அதிர்ச்சியையும் ஏற்படுத்தும்,” என்று கூறியது.
[youtube-feed feed=1]