சென்னை: ஜூலை 20ந்தேதி ஞாயிற்றுக்கிழமை அன்று தவெக மாவட்டச் செயலாளர்கள் கூட்டம் நடைபெறும் என தவெக தலைவரும் நடிகருமான விஜய் அறிவித்துள்ளார்.
தமிழக வெற்றிக் கழகத்தின் மாவட்டச் செயலாளர்கள் கூட்டம் சென்னை பனையூரில் உள்ள கட்சி அலுவலகத்தில் நாளை மறுநாள்(ஜூலை 20) நடைபெற உள்ளது. ஆகஸ்ட் 25 ஆம் தேதி மதுரையில் தவெக 2வது மாநில மாநழ நடைபெற உள்ள நிலையில், வரும் 20ந்தேதி மாவட்டச் செயலாளர்கள் கூட்டத்துக்கு அழைப்பு விடுக்கப்பட்டுடளளது.
தமிழகத்தில் அடுத்தாண்டு சட்டப்பேரவைத் தேர்தல் நடைபெற உள்ளதையடுத்து தமிழக அரசில் கட்சிகள் தீவிரமாக தேர்தல் பணிகளில் ஈடுபட்டுள்ளன. புதிய கட்சியான விஜய்யின் தமிழக வெற்றிக் கழகமும் மாநாடு, பூத் கமிட்டி மாநாடு, செயற்குழு கூட்டம் என பணிகளை தீவிரப்படுத்தி வருகிறது.
இந்த நிலையில் நாளை மறுநாள் (ஜூலை 20) சென்னை பனையூரில் உள்ள அலுவலகத்தில் தவெக மாவட்டச் செயலாளர்கள் கூட்டம் நடைபெற உள்ளதாகத் தெரிவிக்கப்பட்டுள்ளது.
இந்த கூட்டத்தில் தவெக தரப்பில், உறுப்பினர் சேர்க்கை தொடர்பாக தவெகவில் ஒரு புதிய செயலி உருவாக்கப்பட்டுள்ளதாகவும், அதை வெளியிட விஜய் திட்டமிட்டு உள்ளதாகவும் கூறப்படுகிறது.
ஏற்கனவே தவெகவுக்கு ஒரு கோடி உறுப்பினர்கள் சேர்க்கை என்ற இலக்குடன் தவெக தொண்டர்கள் பணியாற்றி வரும் நிலையில், செயலி மூலம் எளிதாக உறுப்பினர்களை இணைக்கும் பணியில் பணியைத் தொடங்கவுள்ளனர். இதுதொடர்பாகவும் கூட்டத்தில் அறிவுரைகள் வழங்கப்படலாம் என்று தெரிகிறது.
