சென்னை
நடிகர் தனுஷ் இயக்கும் மூன்றாவது படமான நிலவுக்கு என் மேல் என்னடி கோபம் பட டிரெய்லர் வெளியாகி உள்ளது.
ராஜ் கிரண் நடித்த ‘பவர் பாண்டி’ படம் மூலம் இயக்குனராக அறிமுகமான நடிகர் தனுஷ் இதனைத் தொடர்ந்து இயக்கி, நடித்த ‘ராயன்’ படம் கடந்த ஆண்டு வெளியாகி நல்ல வரவேற்பை பெற்றது.
நடிகர் தனுஷ் இயக்கத்தில் மூன்றாவது திரைப்படமாக ‘நிலவுக்கு என் மேல் என்னடி கோபம்’ உருவாகியுள்ளது. இப்படத்தின் மூலம் தனுஷின் சகோதரி மகன் பவிஷ் ஹீரோவாக அறிமுகமாகிறார்.
அவருடன்அனிகா சுரேந்திரன், பிரியா பிரகாஷ் வாரியர், மாத்யூ தாமஸ், வெங்கடேஷ் மேனன் உட்பட பலர் நடிக்கின்றனர். ஜி.வி.பிரகாஷ் குமார் இசை அமைக்கும் இந்தப் படத்தை வுண்டர்பார் பிலிம்ஸ் தயாரிக்கிறது.
வருகிற 21 ஆம் தேதி இப்படம் வெளியாக உள்ளநிலையில், படத்தின் டிரெய்லரை படக்குழு தற்போது வெளியிட்டுள்ளது. ரசிகர்களால் மிகவும் எதிர்பார்க்கப்பட்ட இந்த டிரெய்லர் இணையத்தில் வைரலாகி வருகிறது.