சென்னை
இன்று நடிகர் விஜய்யின் தமிழக வெற்றி கழகம் கடசியின் 2 ஆம் ஆண்டு தொடக்க விழா நடைபெறுகிறது.
கடந்த ஆண்டு (2024) பிப்ரவரி மாதம் 2 ஆம் தேதி நடிகர் விஜய் தமிழக வெற்றிக்கழகம் என்ற கட்சியை தொடங்கினார். பிறகு கடந்த அக்டோபர் மாதம் விக்கிரவாண்டியில் பிரமாண்டமாக நடத்திய மாநாட்டில், கட்சியின் கொள்கை தலைவர்களாக தந்தை பெரியார், அம்பேத்கர், பெருந்தலைவர் காமராஜர், வேலு நாச்சியார், அஞ்சலையம்மாள் ஆகியோரின் பெயர்களை அவர் அறிவித்தார்.
இன்று தமிழக வெற்றிக்கழகம்கட்சியின் இரண்டாம் ஆண்டு தொடக்க விழா பனையூரில் உள்ள கட்சியின் தலைமை அலுவலகத்தில் நடைபெருகிறது. இந்த விழாவில் கட்சியின் தலைவர் விஜய் பங்கேற்று கட்சி கொடியை ஏற்றி வைக்கிறார்.
பிறகு நடிகர் விஜய் கட்சியின் கொள்கை தலைவர்களாக அறிவிக்கப்பட்ட பெரியார், அம்பேத்கர், காமராஜர், வேலு நாச்சியார், அஞ்சலையம்மாள் ஆகியோரின் சிலைகளையும் அலுவலகத்தில் திறந்து வைத்து நல உதவிகளையும் அவர் வழங்குவதுடன் தனது சுற்றுப்பயண விவரத்தை அறிவிக்க உள்ளார்.