சென்னை: தமிழகத்தில் இன்று 5,783 பேருக்கு கொரோனா பாதிப்பு உறுதி செய்யப்பட்டுள்ளது.
தமிழகத்தில் கொரோனா வைரசால் பாதிக்கப்படுபவர்களின் எண்ணிக்கை நாள் தோறும் உயர்ந்து கொண்டே செல்கிறது. சுகாதார அமைச்சகம் இன்று வெளியிட்டுள்ள செய்திக்குறிப்பின் படி, புதிதாக 5,783 பேருக்கு கொரோனா உறுதி செய்யப்பட்டுள்ளது.
இதன் மூலம் தமிழகத்தில் கொரோனாவால் பாதிக்கப்பட்டவர்களின் ஒட்டு மொத்த எண்ணிக்கை 4,63,480 ஆக அதிகரித்துள்ளது. இன்று 88 பேர் கொரோனாவுக்கு பலியாகி உள்ளனர். இதன்மூலம் இதுவரை பலியானவர்களின் எண்ணிக்கை 7,836 ஆக அதிகரித்துள்ளது.
இன்று 5,820 பேர் கொரோனா சிகிச்சை முடிந்து டிஸ்சார்ஜ் ஆகி உள்ளனர். ஒட்டு மொத்தமாக கொரோனா பாதிப்பில் இருந்து குணமடைந்தவர்களின் எண்ணிக்கை 4,04,186 ஆக உள்ளது. தற்போது 51,458 பேர் கொரோனாவுக்கு சிகிச்சை பெற்று வருகின்றனர்.
சென்னையை பொறுத்தவரை இன்று ஒருநாளில் 955 பேருக்கு தொற்று உறுதியாகி உள்ளது. மற்ற மாவட்டங்களில் 4,828 பேருக்கு கொரோனா தொற்று உறுதி செய்யப்பட்டுள்ளது.