டெல்லி: தமிழகம் வரும் விமான பயணிகளுக்கு இ-பதிவு கட்டாயம் என இந்திய விமான நிலைய ஆணையம் உத்தரவிட்டு உள்ளது. தமிழ்நாடு மற்றும் புதுச்சேரிக்கு வருகை தரும், விமான பயணிகளுக்கு இ-பதிவு கட்டாயம் என சென்னை விமான நிலையம் அறிவிப்பு வெளியிட்டு உள்ளது.
நாடு முழுவதும் ஒமிக்ரான் தொற்று அதிகரித்து வருவதால், மீண்டும் கொரோனா கட்டுப்பாடுகளையும், வழிகாட்டுதல் நெறிமுறைகளையும் மத்திய, மாநில அரசுகள் தீவிரப்படுத்தி வருகின்றன. இதையடுத்து, வெளி மாநிலங்களில் இருந்து தமிழகம் வரும் விமான பயணிகளுக்கு இ-பதிவு கட்டாயம் என அறிவிக்கப்பட்டுள்ளது.
கேரளாவில் இருந்து வரும் அனைத்து பயணிகளும் 72 மணிநேரத்திற்கு முன்னதாக எடுக்கப்பட்ட ICM’R அங்கீகரிக்கப்பட்ட ஆய்வகத்திலிருந்து முழு தடுப்பூசி சான்றிதழ் அல்லது கோவிட் எதிர்மறை அறிக்கையை எடுத்துச் செல்ல வேண்டும்.
மற்ற மாநிலங்களில் இருந்து வரும் அனைத்து பயணிகளுக்கும் TN e-Pass கட்டாயமாகும். https://eregister.tnega.org/#/user/pass என்ற இணைப்பைப் பயன்படுத்தி விண்ணப்பிக்கவும்.
சுகாதார அதிகாரிகளின் விருப்பத்தின் பேரில் அறிகுறி உள்ள பயணிகளுக்கு மட்டுமே கோவிட் பரிசோதனை. அனைத்து பயணிகளுக்கும் தெர்மல் ஸ்கிரீனிங். உள்நாட்டு சர்வதேச வருகையாளர்களுக்கு, சுகாதாரம் மற்றும் குடும்ப நல அமைச்சகம், அரசாங்கத்தால் வழங்கப்பட்ட சமீபத்திய வழிகாட்டுதல்களைப் பார்க்கவும்.
அனைவரும் முகக்கவசம் அணிவது கட்டாயம். மேலும், சமுக இடைவெளி மற்றும் கைகழுவுதலை கடைபிடிக்க வேண்டும்.