சென்னை: தமிழ்நாடு விளையாட்டு மேம்பாட்டுஅணையம் சார்பில், மாணாக்கர்களுக்கு குறைந்த கட்டணத்தில் விளையாட்டுக்கான பயிற்சி வழங்கப்படுகிறது. இதற்கு கட்டணமா சென்னையில் ரூ.500ம் மற்ற மாவட்டங்களில் ரூ.200ம் அறிவிக்கப்பட்டு உள்ளது.
விளையாட்டு மேம்பாட்டு ஆணையம் ஒவ்வொரு வருடமும் 2013 ஆம் ஆண்டு முதல் சென்னையில் அமைந்துள்ள நவீன விளையாட்டு அரங்கங்களில் பயிற்றுநர்களைக் கொண்டு கோடைகால விளையாட்டு பயிற்சி முகாம் நடத்தி வருகிறது. இதற்காக திமுக அரசு பதவி ஏற்றதும், காலியாக இருந்த பயிற்றுனர்கள் பணி நிரப்பப்பட்டது. அதனப்டி, 76 பயிற்றுநர்கள் நியமனம் செய்யப்பட்டு, விளையாட்டுக்களை ஊக்குவிக்கும் வகையில் முகாம்கள் நடத்தப்பட்டு வருகிறது. அதன்படி, 18 வயதிற்குட்பட்ட மாணவ மாணவியர் களுக்குத் தேர்வு செய்யப்பட்ட விளையாட்டுகளில் அனைத்து மாவட்ட தலைநகரங்கள் மற்றும் முக்கிய இடங்களில் இந்தப யற்சி வழங்கப்படுகிறது. இப்பயிற்சி முகாமில் தகுதி பெற்ற பயிற்றுநர்களைக் கொண்டு விஞ்ஞான ரீதியலான பயிற்சி (காலை, மாலை இருவேளைகளிலும்), சிற்றுண்டி, குடிநீர், பயிற்சி பெற்றதற்கான சான்றிதழ்கள் மற்றும் சீருடை (T-Shirt) வழங்கப்பட்டு வருகிறது.
இந்த ஆண்டு 29.04.2024 முதல் 13.05.2024 வரை நடைபெறவுள்ள கோடைகால பயிற்சி முகாமில், ஏற்கனவே, வெவ்வேறு பயிற்சிக் கட்டணம் (அதாவது ரூ.200/-லிருந்து ரூ.2000/- வரை) நிர்ணயிக்கப்பட்டு இருந்ததை தற்போது முறைப்படுத்தி அனைவரும் பயன் பெறும் வகையில் சென்னையில் அனைத்து விளையாட்டுகளுக்கும் ஒரே கட்டணமாக ரூ.500/ம் பிற மாவட்டங்களில் ரூ.200/-ம் மட்டும் நிர்ணயிக்கப்பட்டுள்ளது.
இப்பயிற்சி முகாமில் அறிவியல் ரீதியிலான பயிற்சி, விளையாட்டு சீருடை, சிற்றுண்டி, சான்றிதழ்கள் போன்றவை மாணவ, மாணவியர்களுக்கு வழங்கப்படும்.
2013-ஆம் வருடம் முதல் 2019 ஆண்டு வரை (2016 ஆம் வருடம் நீங்கலாக தேர்தல் நடத்தை விதிமுறைகளை முன்னிட்டு) மாவட்ட தலைநகரங்களுக்குச் செலவினத் தொகையாகத் தலா ரூ. 8,000/- வரை வழங்கப்பட்டு வந்தது. 2020-2022 வரை கொரோனா காலத்தில் பயிற்சி முகாம் நடைபெறவில்லை.
2023-ஆம் ஆண்டு தமிழ்நாடு விளையாட்டு மேம்பாட்டு ஆணையம் கோடைகால பயிற்சி முகாம் 15 நாட்கள் நடைபெற்றது. இதற்கு அனைத்து மாவட்ட தலைநகரங்களுக்கும் சென்னையில் உள்ள நவீன விளையாட்டரங்களுக்கும் செலவினத் தொகையாக ரூ. 15,000/-ஆக உயர்த்தி வழங்கப்பட்டு அனைத்து விளையாட்டு வசதிகளுடன் 18 வயதிற்குட்பட்ட மாணவ மாணவியருக்கு பயிற்சி முகாம் சிறப்பான முறையில் நடத்தப்பட்டது
தற்போது, . 2024 ஆம் ஆண்டும் இப்பயிற்சி முகாம் சிறப்பாக நடத்துவதற்கு அனைத்து மாவட்டங்களுக்கும் ரூ.15,000/- அனுப்பப்பட்டுள்ளது.
முன்னதாக தமிழ்நாட்டில், 2013 ஆம் ஆண்டு முதல் கோடைகால பயிற்சி முகாம்கள் நடத்தப்பட்டு வருகிறத. இதற்கு பயிற்சி கட்டனமாக, டென்னிஸ் ரூ.1,500/-ம் இறகுப்பந்து ரூ.1,000/- ம் கிரிக்கெட் ரூ.500/-ம் போல ஒவ்வொரு விளையாட்டுக்கும் வெவ்வெறு கட்டணம் நிர்ணயிக்கப்பட்டு வசூலிக்கப்பட்டு வந்ததைத் தொடர்ந்து, 2018 ஆம் ஆண்டில் தடகளம், வாள் விளையாட்டு, கைப்பந்து, கையுந்துப்பந்து விளையாட்டுகளுக்குத் தலா 500/- ரூபாயும் கிரிக்கெட், கால்பந்து, ஜிம்நாஸ்டிக்ஸ், வில்வித்தை, துப்பாக்கி சுடுதல் போன்ற விளையாட்டுகளுக்கு ரூ. 1000/-மும் டென்னிஸ் ரூ. 1,500/-ம் இறகுப்பந்து போன்ற விளையாட்டுகளுக்கு ரூ.2000/- வரை பயிற்சிக் கட்டணமாக பெறப்பட்டு வந்தது குறிப்பிடத்தக்கது.