லக்னோ: மத்திய உள்துறை அமைச்சர் அமித் ஷாவுக்கு எதிரான அவதூறு வழக்கில், ராகுல்காந்திக்கு லக்னோ நீதிமன்றம் ஜாமின் வழங்கி உள்ளது.
கடந்த 2018ஆம் ஆண்டு உள்துறைஅமைச்சர் அமித்ஷா குறித்து, அவதூறு பேசியதாக, காங்கிரஸ் கட்சியின் முன்னாள் தலைவரும், வயநாடு எம்.பி.யுமான ராகுல் காந்திமீது தொடரப்பட்ட வழக்கில் கா உத்தரபிரதேச மாநிலம் சுல்தான்பூரில் உள்ள மாவட்ட நீதிமன்றம் ராகுலுக்கு ஜாமீன் வழங்கியுள்ளது.
சுல்தான்பூரில் உள்ள மாவட்ட சிவில் நீதிமன்றம் கடந்த 2018 ஆகஸ்ட்டில் பாஜக தலைவர் ஒருவர் தொடுத்த அவதூறு வழக்கில் ராகுல்காந்தி நேரில் ஆஜராகுமாறு அவருக்கு 36 மணி நேரத்திற்கு முன்னதாக சம்மன் அனுப்பியிருந்தது.. பெங்களூரு மாநாட்டில் மத்திய உள்துறை அமைச்சர் அமித் ஷாவை இழிவுபடுத்தும் வகையில் பேசியதாக 2018 ஆம் ஆண்டு தொடரப்பட்ட வழக்கு தொடர்பாக பிப்ரவரி 20 ஆம் தேதி சுல்தான்பூரில் உள்ள மாவட்ட சிவில் நீதிமன்றத்தில் காங்கிரஸ் தலைவர் ராகுல் காந்திஅ மீது, அப்போதைய பாஜக மாவட்ட துணைத் தலைவர் விஜய் மிஸ்ரா புகார் அளித்தார்.
“இந்த சம்பவம் நடந்தபோது நான் பாஜகவின் துணைத் தலைவராக இருந்தேன். பெங்களூரில் அமித் ஷாவை ஒரு கொலைகாரன் என்று ராகுல் காந்தி குற்றம் சாட்டினார். இந்தக் குற்றச்சாட்டுகளைக் கேட்டபோது, நான் 33 வயதான கட்சிக்காரன் என்பதால் மிகவும் வேதனையடைந்தேன். . இது தொடர்பாக எனது வழக்கறிஞர் மூலம் புகார் அளித்தேன், இது கிட்டத்தட்ட 5 ஆண்டுகளாக தொடர்ந்தது. இன்று இதில் முடிவு வந்தது” என்று விஜய் மிஸ்ரா தெரிவித்திருந்தார்.
விஜய் மிஸ்ரா சார்பில் ஆஜரான வழக்கறிஞர் சந்தோஷ் குமார் பாண்டே, காங்கிரஸ் எம்பி ராகுல் காந்திக்கு எதிராக போதுமான ஆதாரங்கள் கிடைத்தால் அவருக்கு அதிகபட்சமாக 2 ஆண்டுகள் சிறைத்தண்டனை விதிக்கப்படும் என்று கூறினார்.
“காங்கிரஸ் தலைவர் ராகுல் காந்தி பெங்களூருவில் செய்தியாளர் சந்திப்பு நடத்தினார். சுமார் 5 ஆண்டுகளுக்கு முன்பு தற்போது உள்துறை அமைச்சராக இருக்கும் அமித் ஷாவுக்கு எதிராக ஆட்சேபகரமான கருத்துகள் தெரிவிக்கப்பட்டன. ஆகஸ்ட் 4, 2018 அன்று, இந்த வழக்கு ம.பி.யின் மாவட்ட மற்றும் செஷன்ஸ் நீதிமன்றத்தில் தாக்கல் செய்யப்பட்டது. -சுல்தான்பூர். எம்எல்ஏ நீதிமன் நீதிமன்ற நீதிபதி யோகேஷ் குமார் யாதவ் டிசம்பர் 16 ஆம் தேதி காங்கிரஸ் தலைவர் ராகுல் காந்திக்கு சம்மன் அனுப்பினார்.. தொடர்ந்து, ராகுல்காந்தி யாத்திரையில் இருப்பதால் அவருக்கு ஜாமின் வழங்க வேண்டும் என்று கோரிக்கை வைக்கப்பட்டது. அதை ஏற்ற நீதிபதி ஜாமின் வழங்கி உத்தரவிட்டுள்ளார்.