சென்னை
புஷ்பா 2 திரைப்படம் உலக அளவில் கடந்த 3 நாட்களில் ரூ. 500 கோடிக்கு மேல் வசூலித்துள்ளது.
கடந்த 2021-ம் ஆண்டு சுகுமார் இயக்கத்தில் அல்லு அர்ஜுன் நடிப்பில் வெளியான படம் ‘புஷ்பா தி ரைஸ்’. இப்படம் மிகப்பெரிய வெற்றி பெற்றது. தற்போது பிரம்மாண்ட பொருட்செலவில் ‘புஷ்பா 2 தி ரூல்’ படம் உருவாகி கடந்த 5-ந் தேதி வெளியான இப்படம் வசூல் ரீதியாகவும், விமர்சனம் ரீதியாகவும் நல்ல வரவேற்பை பெற்று வருகிறது.
இதில் ராஷ்மிகா மந்தனா, பகத் பாசில் ஆகியோர் முக்கிய கதாபாத்திரங்களில் நடித்துள்ளனர். இப்படத்தை மைத்திரி மூவி மேக்கர்ஸ் தயாரிக்க, தேவி ஸ்ரீ பிரசாத் இசையமைத்திருந்தார். சாம் சி எஸ் இப்படத்திற்கு பின்னணி இசை அமைத்திருந்தார்.
உலகம் முழுவதும் நேற்று முன்தினம் தமிழ், தெலுங்கு, இந்தி உள்ளிட்ட மொழிகளில் பான் இந்தியா படமாக வெளியான இப்படம் முதல் நாளில் மட்டும் உலக அளவில் ரூ.250 கோடி வசூலை அள்ளியது. இந்தியாவில் மட்டும் ரூ.170 கோடிக்கு மேல் வசூலித்து உள்ளது.
தற்போது இப்படத்தின் தற்போதைய வசூல் குறித்த தகவல் வெளியாகி உள்ளது. புஷ்பா 2 படக்குழு இப்படம் வெளியான மூன்று நாட்களில் உலக அளவில் சுமார் ரூ.500 கோடிக்கு மேல் வசூலித்துள்ளதாக அறிவித்துள்ளது.