ஆர்.எஸ். பாரதியின் ஜாமீனை ரத்து செய்யக்கோரி காவல்துறை மனு…

இந்த நிலையில், ஆர்.எஸ்.பாரதிக்கு வழங்கப்பட்ட இடைக்கால ஜாமீனை ரத்து செய்யக் கோரி மத்திய குற்றப்பிரிவு போலீஸ் தரப்பில் இன்று சென்னை உயர்நீதி மன்ற்ததில்  மனு தாக்கல் செய்யப்பட்டுள்ளது. இந்த மனுவை நீதிபதி நிர்மல் குமார் இன்று விசாரணை நடத்த உள்ளதாக கூறப்படுகிறது.
இதற்கிடையில், சரண் அடையும் நாளிலேயே தனது ஜாமீன் மனுவை பரிசீலிக்க கோரி ஆர்.எஸ்.பாரதி தாக்கல் செய்த மனுவும் இன்று விசாரணைக்கு வர உள்ளது.
கடந்த பிப்ரவரி மாதம் கலைஞர் வாசகர் வட்ட விழாவில் கலந்து கொண்டு பேசிய தி.மு.க. அமைப்புச் செயலாளர் மற்றும் சட்டத்துறை செயலாளரான  ஆர்.எஸ்.பாரதி,  நீதிபதிகள் நியமனம் தொடர்பாகத் தெரிவித்த கருத்துகள், தாழ்த்தப்பட்ட மக்களை அவமதிக்கும் வகையில் இருந்ததாகக் குற்றம் சாட்டப்பட்டிருந்தது குறிப்பிடத்தக்கது.