இந்தியாவில் புதிய கோவிட் ஓமிக்ரான் துணை மாறுபாடு கண்டுபிடிப்பு! உலக சுகாதார நிறுவனம் தகவல்

Must read

ஜெனிவா: இந்தியாவில் புதிய கோவிட் ஓமிக்ரான் துணை மாறுபாடு  வைரஸ் கண்டறியப்பட்டு உள்ளது உலக சுகாதார நிறுவனம் தெரிவித்து உள்ளது.

இந்தியாவில் சமீப வாரங்களாக கொரோனா தொற்று பரவல் அதிகரித்து வருகிறது. இந்த நிலையில், கோவிட்-19 இன் ஓமிக்ரான் மாறுபாட்டின் புதிய துணை மாறுபாடு BA.2.75 இந்தியா உட்பட பல்வேறு நாடுகளில் கண்டறியப்பட்டுள்ளது, உலக சுகாதார அமைப்பின் இயக்குநர் – ஜெனரல் டெட்ரோஸ் அதானோம் கெப்ரேயஸ் கூறினார்.

இந்திய உள்பட உலக நாடுகளில், கடந்த இரண்டு வாரங்களில்கொரோனா வழக்குகள்  கிட்டத்தட்ட 30 சதவிகிதம் அதிகரித்துள்ளன என கூறிய அதோனம்,  “ஐரோப்பாவிலும் அமெரிக்காவிலும், BA.4 மற்றும் BA.5 அலைகளை இயக்குகின்றன. இந்தியா போன்ற நாடுகளில் BA.2.75 இன் புதிய துணைப் பரம்பரையும் கண்டறியப்பட்டுள்ளது, அதை நாங்கள் கவனித்து வருகிறோம் என்று தெரிவித்துள்ளார்.

இந்தியாவில் கடந்த 24 மணி நேரத்தில் 16,159 புதிய கோவிட் வழக்குகள் பதிவாகியுள்ளன என்று சுகாதார மற்றும் குடும்ப நல அமைச்சகம் தெரிவித்துள்ளது. சுகாதார அமைச்சக தகவலின்படி, , நாட்டில் தொற்றுநோய் தொடங்கியதில் இருந்து 15,394 கோவிட் நோயாளிகள் நோயிலிருந்து மீண்டுள்ளனர், மொத்த குணமடைந்தவர்களின் எண்ணிக்கை 4,29,07,327 ஆக உள்ளது. தற்போது குணமடைந்தவர்களின் விகிதம் 98.53 சதவீதமாக உள்ளது.

இதுகுறித்து கூறிய WHO தலைமை விஞ்ஞானி சௌமியா சுவாமிநாதன், BA.2.75 என்று அழைக்கப்படும் ஒரு துணை மாறுபாடு தோன்றியுள்ளதாக தெரிவித்தவர், இது  “முதலில் இந்தியாவில் இருந்தும் பின்னர் சுமார் 10 நாடுகளில்  பரவி இருப்பது தெரிய வந்துள்ளது என்றார். இந்த  “துணை மாறுபாட்டின் பகுப்பாய்வு செய்ய இன்னும் வரையறுக்கப்பட்ட வரிசைகள் உள்ளன, ஆனால் இந்த துணை மாறுபாடு ஸ்பைக் புரதத்தின் ஏற்பி-பிணைப்பு டொமைனில் சில பிறழ்வுகளைக் கொண்டிருப்பதாகத் தெரிகிறது. எனவே நாம் அதைப் பார்க்க வேண்டும். இந்த துணை மாறுபாட்டிற்கு கூடுதல் நோயெதிர்ப்பு ஏய்ப்பு தன்மை உள்ளதா அல்லது மருத்துவரீதியாக மிகவும் தீவிரமான தன்மை உள்ளதா என்பதை அறிவது இன்னும் தாமதமாகலாம் என்றும் தெரிவித்தவர்,  “நாம் காத்திருந்து பார்க்க வேண்டும்,” என்று அவர் கூறினார்,

மேலும், இதை உலக சுகாதார அமைப்பு அதைக் கண்காணித்து வருவதாகவும், அதன் SARS-CoV-2 வைரஸ் பரிணாமம் (TAG-VE) பற்றிய தொழில்நுட்ப ஆலோசனைக் குழு உலகம் முழுவதிலுமிருந்து வரும் தரவை தொடர்ந்து கவனித்து வருவதாகவும் கூறினார்.

More articles

Latest article