டெல்லி: நீட் தேர்வு ஹால் டிக்கெட் ஏப்ரல் 26ந்தேதி (நாளை) இணையதளத்தில் வெளியாகும் என தேசிய தேர்வு முகமை அறிவிப்பு வெளியிட்டு உள்ளது.
இளங்கலை நீட் 2026 நுழைவுச்சீட்டு ஏப்ரல் 26 அன்று என்டிஏ இணைய தளத்தில் வெளியிடப்படும், அதிலிருந்து ஹால் டிக்கெட் பதிவிறக்கம் செய்யலாம் என தேர்வர்களுக்கு தேசிய தேர்வு முகமை அறிவுறுத்தி உள்ளது.
நாடு முழுவதும் உள்ள மருத்துவக் கல்லூரிகளில் இளங்கலை மருத்துவப் படிப்புகளில் சேருவதற்காக தேசிய தேர்வு முகமை தேசிய தகுதி மற்றும் நுழைவுத் தேர்வை நடத்துகிறது. 2026-ஆம் ஆண்டிற்கான இளங்கலை நீட் (NEET UG) நுழைவுத் தேர்வு மே 3, 2026 (ஞாயிற்றுக்கிழமை) அன்று நடைபெறும் என தேசிய தேர்வு முகமை (NTA) அறிவித்துள்ளது. இந்தத் தேர்வு மதியம் 2:00 மணி முதல் மாலை 5:20 மணி வரை, பேனா மற்றும் காகித முறையில் (pen-and-paper) நடைபெறும்.
இதற்கான விண்ணப்பதிவு ஏற்கனவே நடைபெற்று முடிவடைந்த நிலையில், தேர்வர்களுக்கான ஹால் டிக்கெட் வெளியிடும் தேதியை தேசிய தேர்வு முகமை வெளியிட்டுள்ளது.
அதன்படி, நிலையில், 2026ஆம் ஆண்டிற்கான நீட் இளங்கலை நுழைவுத் தேர்வுக்கான ஹால் டிக்கெட் வரும் ஏப்ரல் 26ஆம் தேதி வெளியிடப்பட உள்ளது.
மருத்துவக் கனவோடு தேர்வை எதிர்கொள்ள தயாராக இருக்கும் மாணவர்கள், தங்களின் நுழைவுச்சீட்டை தேசிய தேர்வு முகமையின் அதிகாரப்பூர்வ இணையதளமான neet.nta.nic.in என்ற இணையதள முகவரி வாயிலாக நேரடியாகப் பதிவிறக்கம் செய்து கொள்ளலாம்.
நீட் தேர்வு ஹால் டிக்கெட்டில் மாணவர்களின் பெயர், பதிவு எண், தேர்வு நடைபெறும் நாள், மாணவர்களுக்கான தேர்வு மையம், தேர்வு மையத்தின் முழுமையான முகவரி, தேர்வு நேரம் மற்றும் தேர்வு மையத்திற்குள் நுழையும்போது பின்பற்ற வேண்டிய முக்கியமான விதிமுறைகள் உள்ளிட்ட அனைத்து அத்தியாவசியத் தகவல்களும் தெளிவாகக் குறிப்பிடப்பட்டிருக்கும்.
மாணவர்கள் தேர்வு அறைக்குச் செல்லும்போது இந்த ஹால் டிக்கெட்டை கட்டாயமாகத் தங்களுடன் எடுத்துச் செல்ல வேண்டும் என்றும் மேலும் தேர்வு கட்டுப்பாடுகளை கண்டிப்பாக கடைபிடிக்க வேண்டும் என்று அறிவுறுத்தப்பட்டுள்ளது.
ஹால் டிக்கெட்டைப் பெறுவது எப்படி?
விண்ணப்பதாரர்கள் தங்களது செல்போன் அல்லது கணினி மூலமாக nta.nic.in என்ற அதிகாரப்பூர்வ இணையதளப் பக்கத்திற்குச் செல்ல வேண்டும்.
அந்த இணையதளத்தின் முகப்புப் பக்கத்தில் புதிதாகக் கொடுக்கப்பட்டிருக்கும் NEET UG 2026 Admit Card என்பதற்கான நேரடி இணைப்பைக் கண்டறிந்து அதன் மீது கிளிக் செய்ய வேண்டும்.
இப்போது புதிய லாகின் பக்கம் ஒன்று திரையில் திறக்கப்படும். அதில் மாணவர்கள் தங்களுக்கான விண்ணப்ப எண் மற்றும் தங்களின் பிறந்த தேதி ஆகிய விவரங்களைப் பிழையின்றி உள்ளீடு செய்ய வேண்டும்.
பின்னர், திரையில் கீழே காட்டப்பட்டுள்ள பாதுகாப்பு குறியீட்டையும் சரியாக டைப் செய்து Submit பொத்தானை அழுத்த வேண்டும்.
இப்போது மாணவர்களின் ஹால் டிக்கெட் திரையில் தோன்றும். அதில் உள்ள தங்களின் தகவல்களை முழுமையாகச் சரிபார்த்த பின்பு, அதனை டவுன்லோடு செய்து வைத்துக் கொள்ளலாம்.
[youtube-feed feed=1]