மேகதாது அணை கட்டும் முடிவை கைவிட வேண்டும்: முதல்வர் ஸ்டாலின்

Must read

சென்னை:
மேகதாது அணை கட்டும் தன்னிச்சையான முடிவை கர்நாடக அரசு கைவிட வேண்டும் என, தமிழக முதலமைச்சர் மு.க.ஸ்டாலின் கேட்டுக் கொண்டுள்ளார்.

பெங்களூரில், இன்று செய்தியாளர்களிடம் பேசிய, பா.ஜ.க.,வைச் சேர்ந்த கர்நாடக மாநில முதலமைச்சர் பி.எஸ். எடியூரப்பா, ஒன்றிய அரசு அனுமதி வழங்கியதும் மேகதாது அணை கட்டப்படும் எனத் தெரிவித்தார். இதற்கு கண்டனம் தெரிவித்து, தி.மு.க. தலைவரும், தமிழக முதலமைச்சருமான மு.க. ஸ்டாலின் வெளியிட்டுள்ள அறிக்கையில் தெரிவிக்கப்பட்டுள்ளதாவது:

மேகதாது அணை கட்டும் தன்னிச்சையான முடிவை கர்நாடக மாநில முதலமைச்சர் எடியூரப்பா கைவிட வேண்டும் . கர்நாடக மாநில முதலமைச்சரின் அறிவிப்பு இரு மாநில நல்லுறவுக்கு உகந்த நிலைப்பாடு அல்ல. அவரின் அறிவிப்பு, தமிழகத்தையும், தமிழக விவசாயிகளையும் வஞ்சிக்க முயற்சிக்கும் செயலாகும்.

மேகதாது அணை கட்டும் திட்டம் உச்சநீதிமன்றத்தின் காவிரி இறுதி தீர்ப்புக்கு எதிரானதாகும். காவிரியில் அணை கட்டும் திட்டத்தை எதிர்த்த வழக்கு நிலுவையில் உள்ளது. இந்நிலையில் முதலமைச்சர் எடியூரப்பா தன்னிச்சையாக அறிவித்திருப்பது கண்டனத்திற்குரியது. இதனை கருத்தில் கொண்டு மேகதாது அணை கட்டும் திட்டத்தை கைவிட வேண்டும். மேகதாது அணை கட்டும் திட்டத்திற்கு ஒன்றிய அரசு அனுமதி தர கூடாது.

இவ்வாறு அறிக்கையில் தெரிவித்துள்ளார்.

More articles

Latest article