சென்னை: மாண்டஸ் புயல் வலுவிழந்து வருகிறது, கரையை கடக்கும்போது, இன்று மாலை காற்றுடன் கனமழை பெய்யும் என தமிழ்நாடு வெதர்மேன் தெரிவித்து உள்ளார். அத்துடன் சென்னையில் பெய்த மழை அளவு குறித்த விவரத்தையும் வெளியிட்டுள்ளார்.
மாண்டஸ் புயல் தொடர்பாக வெதர்மேன் பிரதீப் ஜான் வெளியிட்டுள்ள முகநூல் பதிவில், மாண்டஸ் தீவிர புயல் கடந்த ஆறு மணி நேரமாக வலுவிழந்து வருகிறது. சென்னையில் மட்டும் இரவு முழுவதும் கனமழை பெய்துள்ளது என்று தமிழ்நாடு வெதர்மேன் கூறியுள்ளார். “மற்ற மாவட்டங்களை ஒப்பிடுகையில் சென்னையில் மட்டும் பரவலாக கனமழை பதிவாகியுள்ளது. புயல் கரையை நெருங்கும் சமயம் மாலை முதல் காஞ்சிபுரம், திருவள்ளூர், செங்கல்பட்டு, சென்னை ஆகிய மாவட்டங்களில் மிக கனமழை பலத்த காற்றுடன் பெய்யத் தொடங்கும். அதுவரை சில இடங்களில் மழை விட்டுவிட்டு பெய்யும் என தெரிவித்து உள்ளருது.
மாண்டஸ் புயல் எதிர்பார்க்கப்பட்டதை போல் இல்லாமல் கடந்த ஆறு மணி நேரமாக சிறிது வலுவிழந்து தீவிர புயலிலிருந்து புயலாக மாறி வருகிறது. இது சென்னைக்கு தெற்கே இன்று நள்ளிரவு முதல் நாளை அதிகாலைக்குள் கடக்கும். கரையை நெருங்கும் போது தீவிரமாக இருக்கும்.70 கி.மீ முதல் 100 கி.மீ வேகம் வரை சில இடங்களில் காற்று வீசக்கூடும். வர்தா புயல் கரையை கடந்த சமயம் காற்றின் வேகம் 120 கி.மீ முதல் 140 கி.மீ வேகம் வரை இருந்தது குறிப்பிடத்தக்கது.
மாண்டஸ் புயலால் டெல்டா மாவட்டங்களில் கன மழைக்கு வாய்ப்பிருக்காது. புதுச்சேரிக்கு மேலே உள்ள மாவட்டங்கள் மிகுந்த எச்சரிக்கையாக இருக்க வேண்டும்” என்று தெரிவித்துள்ளார்.
சென்னையில் பதிவான மழை நிலவரம்
திருவிக நகர் – 82 மி.மீ
அண்ணா நகர் மேற்கு – 79 மி.மீ
கோடம்பாக்கம் 77 மி.மீ
திருவற்றியூர் – 75 மி.மீ
தேனாம்பேட்டை – 74 மி.மீ
ஐஸ் ஹவுஸ் – 72 மி.மீ
நந்தனம் – 71 மி.மீ
கொளத்தூர் – 70 மி.மீ
தண்டையார் பேட்டை – 69 மி.மீ
மாதவரம் – 69 மி.மீ
நுங்கம்பாக்கம் – 68 மி.மீ
ராஜ அண்ணாமலைபுரம் – 68 மி.மீ
மீனம்பாக்கம் – 68 மி.மீ
கத்தி வாக்கம் – 65 மி.மீ
பெரம்பூர் – 63 மி.மீ
அமைந்தகரை – 62 மி.மீ
மணலி – 62 மி.மீ
புழல் – 61 மி.மீ
நியூ மணலி டவுண் – 60 மி.மீ
மெரீனா (டிஜிபி அலுவலகம்) – 56 மி.மீ
முகலிவாக்கம் – 56 மி.மீ
அடையார் – 54 மி.மீ
பெருங்குடி – 53 மி.மீ
எம்ஜிஆர் நகர் – 51 மி.மீ
அயனாவரம் – 50 மி.மீ
ஆலந்தூர் – 50 மி.மீ
பாலவாக்கம் – 50 மி.மீ
தரமணி – 50 மி.மீ
வானகரம் – 50 மி.மீ