போபால்: மத்திய பிரதேச மாநிலத்தில், போஜ்ஷாலா மசூதி ஆக்கிரமித்திருந்த சரஸ்வதி கோவிலில் இந்துக்களுக்கு சொந்தமானது என்றும், அங்கு இந்துக்கள் தடையின்றி வழிபடலாம் என ம.பி. உயர்நீதிமன்றம் வரலாற்று சிறப்பு மிக்க தீர்ப்பை வழங்கி உள்ளது.
மத்தியப் பிரதேச போஜ்ஷாலா வழக்கில் இந்துக்கள் தடையின்றி வழிபட உயர் நீதிமன்றம் அனுமதி அளித்துள்ளது. மேலும், அங்குள்ள மசூதியைக் கட்ட மாற்று நிலம் வழங்குமாறு அரசுக்கு உத்தரவிட்டுள்ளது.
மத்திய பிரதேச மாநிலம், தார் மாவட்டத்தில் அமைந்துள்ள, சர்ச்சைக்குரிய ‘போஜசாலா-கமல் மௌலா மசூதி’ வளாகத்தை, சரஸ்வதி தேவிக்கு (வாக்தேவி) அர்ப்பணிக்கப்பட்ட ஒரு இந்து ஆலயமாக மத்தியப் பிரதேச உயர் நீதிமன்றம் அதிகாரப்பூர்வமாக அறிவித்தது.
2003-ஆம் ஆண்டில் இந்தியத் தொல்லியல் துறை (ASI) மேற்கொண்டிருந்த ஏற்பாட்டை ரத்து செய்த நீதிமன்றம், இந்துக்களுக்கு அங்கு பிரத்யேக வழிபாட்டு உரிமைகளை வழங்கியதுடன், மசூதி அமைப்பதற்கு மாற்று நிலம் கோருவதற்கு முஸ்லிம் சமூகத்திற்கு அனுமதியும் அளித்தது.
மத்தியப் பிரதேசத்தின் தார் மாவட்டத்தில் உள்ள வரலாற்றுச் சிறப்புமிக்க போஜ்ஷாலா விவகாரத்தில், அம்மாநில உயர் நீதிமன்றம் பரபரப்பான தீர்ப்பை வழங்கியுள்ளது. தொல்லியல் துறையின் 2000 பக்க ஆய்வறிக்கையின் அடிப்படையில், போஜ்ஷாலா வளாகத்தில் இந்துக்கள் தடையின்றி வழிபடலாம் என்றும், முஸ்லிம்கள் தொழுகை நடத்த மாற்று நிலம் வழங்க வேண்டும் என்றும் நீதிமன்றம் உத்தரவிட்டுள்ளது.
மத்தியப் பிரதேச மாநிலம் தார் (Dhar) மாவட்டத்தில் அமைந்துள்ள போஜ்ஷாலா வளாகம், இந்தியத் தொல்லியல் துறையின் (ASI) கட்டுப்பாட்டில் உள்ள ஒரு பாதுகாக்கப்பட்ட நினைவுச் சின்னமாகும். இந்த வளாகத்தை உரிமை கொண்டாடுவதில் இந்து மற்றும் முஸ்லிம் தரப்பினரிடையே பல தசாப்தங்களாக நீடித்து வந்த சட்டப் போராட்டத்திற்கு, மத்தியப் பிரதேச உயர் நீதிமன்றத்தின் இந்தூர் அமர்வு தற்போது முற்றுப்புள்ளி வைத்துள்ளது.
இந்த வரலாற்றுச் சிறப்புமிக்க வளாகம், 11-ஆம் நூற்றாண்டில் போஜ் மன்னரால் கட்டப்பட்ட ‘வாக்தேவி’ எனப்படும் சரஸ்வதி தேவி கோயில் மற்றும் சமஸ்கிருத கல்வி மையம் என இந்து அமைப்புகள் வாதிட்டன. மறுபுறம், இது 13-ஆம் நூற்றாண்டைச் சேர்ந்த சூஃபி துறவியின் நினைவாகக் கட்டப்பட்ட மசூதி என முஸ்லிம் தரப்பு கூறி வந்தது.
இந்த மோதலைத் தவிர்க்க, கடந்த 2003-ஆம் ஆண்டு தொல்லியல் துறை ஒரு தற்காலிக ஏற்பாட்டைச் செய்தது; அதன்படி, செவ்வாய்க்கிழமைகளில் இந்துக்கள் வழிபடவும், வெள்ளிக்கிழமைகளில் முஸ்லிம்கள் தொழுகை நடத்தவும் அனுமதி வழங்கப்பட்டது.
இந்த நடைமுறையை எதிர்த்து, போஜ்ஷாலா என்பது இந்துக்களுக்கு மட்டுமே சொந்தமான கோயில் எனப் பல்வேறு இந்து அமைப்புகள் உயர் நீதிமன்றத்தில் வழக்கு தொடர்ந்தன.
வழக்கை விசாரித்த உயர் நீதிமன்றம், போஜ்ஷாலா வளாகத்தில் அறிவியல் பூர்வமான ஆய்வு நடத்தத் தொல்லியல் துறைக்கு உத்தரவிட்டது. அதன்படி, அதிநவீன தொழில்நுட்பங்கள் மூலம் விரிவான ஆய்வுகளை மேற்கொண்ட தொல்லியல் துறை, கடந்த சில மாதங்களுக்கு முன்பு சுமார் 2000 பக்கங்கள் கொண்ட மாபெரும் ஆய்வறிக்கையை நீதிமன்றத்தில் தாக்கல் செய்தது.
அந்த அறிக்கையில், பர்மார வம்சத்தைச் சேர்ந்த போஜராஜ மன்னனால் கட்டப்பட்ட பிரமாண்ட வாக்தேவி கோயிலின் தூண்கள், சிற்பங்கள் மற்றும் கல்வெட்டு சிதைவுகளை வைத்தே தற்போதைய மசூதி கட்டமைப்பு உருவாக்கப்பட்டுள்ளது என்பதற்கான வலுவான ஆதாரங்கள் சமர்ப்பிக்கப்பட்டன. தொல்லியல் துறையின் இந்த ஆதாரப்பூர்வமான அறிக்கையை முழுமையாக ஏற்றுக் கொண்ட உயர் நீதிமன்றம், 2026 ஏப்ரல் 15ந்தேதி அன்று தனது இறுதித் தீர்ப்பை வாசித்தது.
தீர்ப்பில், “கடந்த 2003-ஆம் ஆண்டு பிறப்பிக்கப்பட்ட தற்காலிக வழிபாட்டு உத்தரவு இத்துடன் ரத்து செய்யப்படுகிறது. இனி போஜ்ஷாலா வளாகத்தில் இந்துக்கள் எந்தவிதத் தடையுமின்றி முழுமையாக வழிபடலாம். அதே நேரத்தில், முஸ்லிம்கள் தங்களின் தொழுகையை நடத்த ஏதுவாக, புதிய மசூதி கட்டிக்கொள்ள மாற்று நிலம் கோரி அவர்கள் மாநில அரசை அணுகலாம். இதற்கான நில ஒதுக்கீட்டு நடவடிக்கைகளை மத்தியப் பிரதேச அரசு உடனடியாக மேற்கொள்ள வேண்டும்” என்று நீதிபதிகள் உத்தரவிட்டனர்.
மேலும், இந்த ஒட்டுமொத்த வரலாற்று வளாகத்தின் பாதுகாப்பும், பராமரிப்பும் தொடர்ந்து இந்தியத் தொல்லியல் துறையின் (ASI) கட்டுப்பாட்டிலேயே நீடிக்கும் என்றும் நீதிமன்றம் தெளிவுபடுத்தியுள்ளது. அதோடு, இந்த போஜ்ஷாலா கோயிலில் இருந்து கடத்தப்பட்டு, தற்போது பிரிட்டனின் லண்டன் அருங்காட்சியகத்தில் வைக்கப்பட்டுள்ள வரலாற்றுச் சிறப்புமிக்க ‘வாக்தேவி’ (சரஸ்வதி) சிலையைத் தூதரக ரீதியாக மீட்டு இந்தியாவிற்கு மீண்டும் கொண்டு வர மத்திய அரசு தீவிர நடவடிக்கை எடுக்க வேண்டும் என்றும் நீதிமன்றம் அறிவுறுத்தியுள்ளது.
இந்த அதிரடித் தீர்ப்பு வெளியானதைத் தொடர்ந்து, தார் மாவட்டத்தில் உள்ள போஜ்ஷாலா வளாகத்தில் ஏராளமான இந்துக்கள் திரண்டு, தங்களுக்குக் கிடைத்துள்ள முழு வழிபாட்டு உரிமையைக் கொண்டாடி வருகின்றனர்.
பல ஆண்டுகால ஆன்மீகச் சர்ச்சைக்குப் புள்ளிவிவர ஆதாரங்களுடன் இன்று வரலாற்று சிறப்புமிக்க தீர்ப்புகிடைத்துள்ளது.
[youtube-feed feed=1]