சென்னை: திமுக தலைவரும், தமிழ்நாடு முதலமைச்சருமான மு.க.ஸ்டாலின் தலைமையில் இன்று திமுக மாவட்ட செயலாளர்கள் கூட்டம் காணொளி காட்சி வாயிலாக நடைபெறுகிறது.
2024ம் ஆண்டு நடைபெற உள்ள நாடாளுமன்ற தேர்தலைமுன்னிட்டு அரசியல் கட்சிகள் இப்போதே தேர்தல் பணிகளை முன்னெடுத்து வருகிறது. திமுகவும், தேர்தல் பணிகளை முடுக்கி விட்டுள்ளது. திருச்சியில், கடந்த மாதம் 27ந்தேதி திமுக வாக்குச்சாவடி பொறுப்பாளர்களுக்கான பயிற்சி பாசறைக் கூட்ட;ம நடத்தப்பட்டது. இதில், முதல்வரும், திமுக தலைவருமான மு.க.ஸ்டாலின் கலந்துகொண்டு திமுகவினருக்கு பல்வேறு அறிவுறுத்தல்களை வழங்கினார்.
இதன் தொடர்ச்சியாக இன்று திமுக மாவட்டச் செயலாளர்கள் கூட்டம் நடைபெறுகிறது. மாவட்ட அளவில் கட்சியை பலப்படுத்தும் பணியையும், தமிழ்நாடு பாஜக மாநில தலைவர் அண்ணாமலை பிரசார நடைபயணம் குறித்தும் ஆலோசிக்கப்படஉ ள்ளது. இதுமட்டுமின்றி, மறைந்த முன்னாள் முதலமைச்சர் கருணாநிதி நூற்றாண்டு விழா மூலமாக தமிழகத்தின் அனைத்து பகுதிகளிலும் தி.மு.க. அரசின் திட்டங்கள், சாதனைகள் குறித்து மக்களிடம் எடுத்து செல்லும் வகையில் பிரசார வியூகம், மாவட்டம் வாரியாக கட்சியின் வளர்ச்சி பணிகள், உறுப்பினர் சேர்க்கை, கள நிலவரம், தி.மு.க. அரசின் திட்டங்களுக்கு மக்களிடம் கிடைக்கும் வரவேற்பு அமைக்கும் வகையிலும், இன்றைய கூட்டம் இருக்கும் என எதிர்பார்க்கப்படுகிறது.
இன்று காலை 10.30 மணி அளவில் காணொளி காட்சி மூலம் இந்த கூட்டம் நடைபெற உள்ளது.