சென்னை: திமுக தலைவர் மு.க.ஸ்டாலின் தலைமையில், திமுக மாவட்ட செயலாளர்கள், வேட்பாளர்கள் கூட்டம் இன்று மாலை 5 மணிக்கு காணொளி காட்சி மூலம் நடைபெறும் என திமுக தலைமை அறிவித்து உள்ளது.
தமிழக சட்டமன்ற தேர்தல் வாக்கு எண்ணிக்கை நாளை மறுதினம் (மே 2ந்தேதி) நடைபெற உள்ளது. 75 வாக்குப்பதிவு மையங்களில் வாக்கு எண்ணிக்கை நடக்கிறது. முன்னதாக, தேர்தலுக்கு பிந்தைய கருத்துக்கணிப்புகள் வெளியாகி, திமுக வெற்றியை பறைசாற்றி வருகின்றன.
இந்த நிலையில், திமுக தலைவர் மு.க.ஸ்டாலின் இன்று மாலை 5 மணிக்கு முக மாவட்ட செயலாளர்கள், வேட்பாளர்கள் ஆலோசனை கூட்டம் நடைபெறும் என அறிவித்துள்ளார். இந்த கூட்டத்தில், வாக்கு எண்ணிக்கை கண்காணிப்பு உள்பட பல்வேறு விஷயங்கள் குறித்து விவாதிக்கப்படும் என எதிர்பார்க்கப்படுகிறது.