கார்த்திக் சுப்புராஜ் இயக்கத்தில் தனுஷ், ஹாலிவுட் நடிகர் ஜேம்ஸ் காஸ்மோ, ஐஸ்வர்யா லட்சுமி, லால் ஜோஸ், கலையரசன், ராசுக்குட்டி உள்ளிட்ட பலர் நடிப்பில் உருவாகியுள்ள படம் ஜகமே தந்திரம்.
கொரோனா ஊரடங்கினால் இப்படத்தின் ரிலீஸ் தள்ளி வைக்கப்பட்டது. திரையரங்க வெளியீட்டுக்காகவே ஓடிடி தளத்தில் வெளியாகாமல் இருந்தது. திடீரென்று ஜகமே தந்திரம் நெட்ஃப்ளிக்ஸ் ஓடிடி தளத்தில் வெளியாகவுள்ளது என்று தகவல் பரவியது.
இது தொடர்பாகப் படக்குழுவினர் யாருமே எந்தவொரு தகவலையும் வெளியிடவில்லை.
இந்நிலையில் ஜகமே தந்திரம் வெளியீடு தொடர்பாக தனுஷ் தனது ட்விட்டர் பதிவில் : திரையரங்க உரிமையாளர்கள், விநியோகஸ்தர்கள், திரைப்பட ரசிகர்கள் மற்றும் பெரும்பாலான எனது ரசிகர்களைப் போல நானும் ஜகமே தந்திரம் திரையரங்கில் வெளியாகும் என்று நம்பிக்கையுடன் இருக்கிறேன் என்று தனுஷ் தெரிவித்திருந்தார்.
தனுஷ் கிடா மீசையில் சுருளி எனும் பாத்திரத்தில் நடித்துள்ளார். பிளாஷ்பாக் காட்சியில் தனுஷுக்கு ஜோடியாக நடிகை சஞ்சனா நட்ராஜன் நடித்துள்ளார். சந்தோஷ் நாராயணன் இசையமைக்க, ஸ்ரேயாஸ் கிருஷ்ணா ஒளிப்பதிவு செய்துள்ளார். ரிலையன்ஸ் நிறுவனம் வழங்க, ஒய் நாட் ஸ்டுடியோஸ் நிறுவனம் தயாரித்துள்ளது.
இந்நிலையில் இந்த திரைப்படத்தின் டீஸர் தற்போது நெட்ஃப்ளிக்ஸ் ஓடிடி தளத்தில் வெளியாகவுள்ளது. ஓடிடி வெளியீட்டை உறுதி செய்து டீஸரும் வெளியிடப்பட்டது. இதனால் தனுஷ் கடும் அதிருப்தியில் இருக்கிறார் என்பது உறுதியாகியுள்ளது. ஏனென்றால், ‘ஜகமே தந்திரம்’ டீஸரை ரசிகர்கள், திரையுலகினர் எனப் பலரும் உற்சாகமாக ஷேர் செய்து வருகிறார்கள். ஆனால் டீஸர், அது தொடர்பான ட்வீட் என எதையுமே தனுஷ் ஷேர் செய்யவில்லை.
நேற்று (பிப்ரவரி 22) ‘கர்ணன்’ படத்திலிருந்து புதிய போஸ்டர் ஒன்று வெளியிடப்பட்டது. அந்த போஸ்டரை தனுஷ் தனது ட்விட்டர் பக்கத்தில் ஷேர் செய்தது குறிப்பிடத்தக்கது.